Atəşkəsdən sonra İsrailin Qəzzada əməliyyatı davam edərsə və HƏMAS sıradan çıxarsa, o zaman…
Müsahibimizə görə, həmçinin, atəşkəsdən istifadə etməklə Qəzza xalqı ilə HƏMAS arasında ayrılıq yaratmağa çalışır: “Bu baş verərsə, HƏMAS amansızcasına ləğv ediləcək. Bir çox islam ölkələri də bu məsələdə, yəni HƏMAS-ın ləğvi məsələsində həmfikirdirlər”.
H.Oktay vurğulayıb ki, Türkiyə və İran islam ölkələrində liderlik uğrunda mübarizə apararkən Qəzza və HƏMAS məsələsində ritorik üstünlük əldə etmək üçün böyük diplomatik yarışa başlayıblar: “Atəşkəsdən sonra İsrailin Qəzzada əməliyyatı davam edərsə və HƏMAS sıradan çıxarsa, o zaman Mahmud Abbasın rəhbərliyi ilə Fələstin dövlətindən danışmaq mümkün ola bilər. Hər halda HƏMAS-ın olmadığı Fələstin dövləti daha inandırıcı görünür. Əgər İsrail qələbə qazandıqdan sonra üstünlüyü və təşəbbüsü ələ keçirərsə, iki dövlət deyil, iki xalqlı tək İsrail dövlətinin yaradılmasını da gündəmə gətirə bilər. Bu da mümkündür”.
Aydın Baxış
https://bakivaxti.az/az/posts/detail/hemas-amansizcasina-legv-edilecek-aciqlama-1701079372
