Terrorda xarici faktor amilinə daha çox üstünlük verirəm. İŞİD-çilər uzun müddətdir ki, İrana qarşı təhdid püskürürlər, onları hədələyirlər. Mən onların bu hadisədə iştirakını istisna etmirəm. Bölgənin bir sıra terrorçu qruplaşmaları var. Bu qruplaşmalar müəyyən ərəb ölkələrinin təsiri altındadır. Məsələn, Səudiyyə Ərəbistanı Suriyada fəaliyyət göstərən hərəkatı maliyyələşdirir. Bundan başqa bölgədə digər dövlətlərin də nüfuz dairəsində olan müəyyən siyasi qüvvələr var və onlar da İranda bu hadisələri törətmiş ola bilər. Hesab edirəm ki, İranın iki yolu var: birincsi, ölkədə təhlükəsizlik tədbrilərini gücləndirərək, Suriya və İraqda İŞİD-lə mübarizədə yerli qüvvələrə dəstəyini artırmaq, ikincisi, İranda hakimiyyətə müxaif olan və fərqli düşünən bütün qüvvələrə qarşı “terrora dəstək” adı altında təzyiqləri gücləndirmək, ölüm hökmlərinin sayını artırmaq. Fikrimcə, birinci yol daxildəki terror ocaqlarını söndürmək baxımından daha operativ yoldur. Güman edirəm ki, bu məsələdə İranın son dövrlərdə İŞİD-ə qarşı əməliyyatlarda və Suriya azadlıq ordusuna qarşı apardığı mübarizədə oynadığı rolun təsiri ola bilər. Hər halda bu, çox ciddi hadisədir və burada böyük güclərin də təsiri olduğunu istisna etmirəm

Cəbrail Fərzəliyev