Արցախի պաշտպանության նախարար Լեւոն Մնացականյանը Ստեփանակերտում լրագրողների հետ հանդիպմանը հայտարարել է, որ ապրիլյան պատերազմից հետո, հատկապես վերջին ամիսներին, առաջնագծում իրավիճակը փոխվել է: Մենք կարողացել ենք ամբողջությամբ բացառել դիվերսիոն ներթափանցումները, տարբեր տրամաչափի զինատեսակներից կրակոցները բազմակի նվազել են, ասել է նախարարը:
Նա մի հետաքրքիր միտք է ասել. «Ադրբեջանը, իհարկե, ամեն ինչ անելու է, որ պահպանի էսկալացիան, վնաս հասցնի մեզ, մենք ամեն ինչ կանենք, որ համարժեք պատասխան տանք եւ երբ անհրաժեշտ համարենք, վերջնական հարված հասցնենք»:
«Վերջնական հարվածը» ռազմական տեսանկյունից հարձակողական միջոցառում է: Արցախը հարձակողական գործողությունների՞ է պատրաստվում, թե խոսքը բացառապես պաշտպանական մարտավարության մասին է, եթե հակառակորդը հարձակվի:
Միջազգային ճգնաժամային խմբի վերջին զեկույցում, ի դեպ, ակնարկ կա, որ Ադրբեջանում հայկական կողմից գործողությունների են սպասում մասնավորապես ապրիլյան պատերազմում կորցրած դիրքերն ազատագրելու մասով: Չնայած Սերժ Սարգսյանը հայտարարել է, որ հայկական կողմը մտադիր չէ վերադարձնել այդ 800 հեկտարը, Բաքվում կարծում են, որ Հայատանը փորձում է ինչ-որ կերպ անել դա:
ՄՃԽ զեկույցում նշված է, որ կողմերը բալիստիկ հրթիռներ ունեն, եւ եթե հայկական կողմը չի բացառում հակառակորդի ենթակառուցվածքներին 15 կմ խորության վրա հարված հասցնելը, ապա Ադրբեջանը կարող է կիրառել Նախիջեւանում գտնվող հրթիռները:
Հայկական կողմը «վերջնական հարված» կարող է հասցնել, եթե «քաղաքական կարգավորման» այլ ճանապարհ չմնա: Այդպիսի հնարավորություն դեռ պահպանվում է, սակայն Ադրբեջանին գնալով ավելի են անկյուն մղում՝ նահանջի ճանապարհ չթողնելով: Միջնորդների կողմից էլ կարելի է որոշակի անհամբերություն նկատել: Իրավիճակի նյարդայնությունը կարող է այս կամ այն կողմի սադրանքների պատճառ դառնալ, եւ դրան կհետեւի «վերջնական հարվածը»:
Բացի այդ, հունիսի վերջին կամ հուլիսի սկզբին Արցախի խորհրդարանը 3 տարով նախագահ է ընտրելու: Դեռ հայտնի չէ, թե ում կընտրեն: Նշվում են ներկա եւ նախկին նախագահներ Բակո Սահակյանի եւ Արկադի Ղուկասյանի անունները: Հնարավոր է, նոր նախագահն է բանակցելու ղարաբաղյան թեմայով: Դա կարող է ակտուալ լինել, երբ Սերժ Սարգսյանն այլեւս նախագահ չլինի, եւ բանակցություններ անցկացնելու մանդատն օդում կախված չլինի: Չի բացառվում, որ հայկական կողմը կփորձի այդ մանդատը Ղարաբաղին փոխանցել:
Եթե իրադարձություններն այդ տրամաբանությամբ զարգանան, Ալիեւը, ամենայն հավանականությամբ, կփորձի թույլ չտալ դա եւ կարող է բախումներ հրահրել առաջնագծում: Հայկական կողմը պետք է կանխի այդ սադրանքները՝ նախազգուշացնելով հետեւանքների մասին: Հնարավոր է, «վերջնական հարվածի» մասին հայտարարությունն այդ համատեքստում է հնչում:
EtiketlerԻնչ նկատի ուներ նախարարը
Kafkassam Editör
Yeni bir dünyaya uyanmak, dünyayı yeniden okumak isteyenler için, söylenecek sözü olanlar için merkezi Ankara’da olan KAFKASSAM’ı kurduk. Erivan, Bakü, Tiflis, Tebriz, Grozni, Moskova, Mahaçkale, Nazrin, Nalçik, Saratov, Ufa ve Sochi’de ofislerimiz temsilcilerimiz var. Kafkassam genelde kafkasya çalışmak için kuruldu Kafkasya genelinde çalışır. Ermenice Rusça Gürcüce İngilizce dillerinde yayın yapan kafkassam genç akademisyen ve stratejistlerle çalışmaya özen gösterir. KAFKASSAM’ın internet sitesi 2 Ocak 2010’da yayına girdi. İnternet sitesinde Kafkasya’daki ülkeler ve Türkiye ile ilişkileri hakkında makaleler, ropörtajlar, analizler ve yorumlara yer verilmektedir.