Ուլվիյա Ասադզադե: «Վտանգավոր իրավիճակ». Ադրբեջանը վախենում է Իրանի հետ ընդլայնվող պատերազմի մեջ ներքաշվելուց
Ադրբեջանում աճում են մտավախությունները, որ երկիրը կարող է ներքաշվել Միացյալ Նահանգների և Իսրայելի կողմից Իրանի դեմ շարունակվող պատերազմի մեջ։
Բաքուն արդեն մեղադրել է Իրանին Ադրբեջանի Նախիջևանի օդանավակայանի և դպրոցին անօդաչուներով հարվածելու համար՝ այն անվանելով «ահաբեկչական ակտ» և խոստանալով համարժեք պատասխան։ Թեհրանը հերքել է իր մեղսակցությունը միջադեպին, որի հետևանքով չորս մարդ է վիրավորվել։
Երեկ տեղի ունեցած այս դեպքը մեծացրել է մտահոգությունները Ադրբեջանում, որը սերտ ռազմական, տնտեսական և էներգետիկ կապեր ունի Թեհրանի ոխերիմ թշնամու՝ Իսրայելի հետ․ շատերն են մտահոգ, որ երկիրը կարող է հայտնվել Իսլամական Հանրապետության թիրախում, որը փետրվարի 28-ից արձագանքում է ԱՄՆ-Իսրայել զանգվածային օդային հարվածներին։ Ի պատասխան Իրանը հրթիռներ և անօդաչու թռչող սարքեր է արձակել ԱՄՆ ռազմական և դիվանագիտական օբյեկտների վրա, հարվածել Պարսից ծոցի կարևոր էներգետիկ ենթակառուցվածքներին։ Փորձագետների կարծիքով՝ Թեհրանի նպատակն է ընդլայնել պատերազմը և մեծացնել հակամարտության գինը Վաշինգտոնի և նրա դաշնակիցների համար։
Yorum gönder