Azerbaycan-Zagreb arasında 3 gün

Türkiyəyə qarşı savaş açılıb

Sara Krombaxın “Ziya Bünyadov və Azərbaycan keçmişinin icadı” dissertasiyası haqqında

İran ekonomisinin yüzde 80’i ordu ve dini vakıfların elinde

Նիկոլ Փաշինյանի անսպասելի հայտարարությունը

Ermenistan 27 Ocak 2020
28

Կապանում տեղի ունեցած մեծ ասուլիսի ընթացքում վարչապետ Փաշինյանը, պատասխանելով ՍԴ դատավոր Վահե Գրիգորյանի՝ ՍԴ աշխատանքը բոյկոտելու եւ չաշխատելու վերաբերյալ հարցին, ասել է, թե այդ մասին լսում է առաջին անգամ: «Եթե այդպիսի երևույթ կա, իհարկե, մտահոգում է: Ես առաջին անգամ եմ լսում այդպիսի բան: Կհետաքրքրվեմ ավելի մանրամասն», ասել է Նիկոլ Փաշինյանը:

Դա անսպասելի հայտարարություն է, որովհետեւ տեղեկությունը, որ Վահե Գրիգորյանը չի մասնակցում ՍԴ աշխատանքին, հանրահայտ է: Այդ մասին խոսվել է ամենատարբեր հարթակներում եւ դժվար է պատկերացնել, որ համացանցում, սոցցանցերում բավականին աշխույժ վարչապետը որեւէ անգամ չի պատահել այդ մասին որեւէ տեղեկության ու չի հետաքրքրվել դրանով:

Մյուս կողմից, կասկածից վեր է, որ Նիկոլ Փաշինյանը վարչապետի պաշտոնում ունի զբաղվածության ահռելի շրջանակ եւ հնարավոր է, որ նա իսկապես իրազեկ չէ: Այդ դեպքում հետաքրքիր է դառնում հարցը, թե ինչու՞ վարչապետի որեւէ խորհրդական, կառավարող մեծամասնության որեւէ պատգամավոր չի բարձրացրել այդ հարցը նրա առաջ:

Օրինակ, կառավարող մեծամասնության 88 պատգամավորից որեւէ մեկին չի՞ հետաքրքրել, թե ինչ է մտածում Նիկոլ Փաշինյանը այն դատավորի մասին, որը ԱԺ քվեարկությամբ մտել է ՍԴ, բայց չի աշխատում: Ընդ որում, լինելով դատավորի թեկնածու, ի դեպ` Նիկոլ Փաշինյանի խորհրդականի պաշտոնից, Վահե Գրիգորյանը չի հայտարարել, թե մտադիր չէ աշխատել ՍԴ-ում, քանի դեռ Հրայր Թովմասյանն ու մյուս 6 «անդամները» չեն հեռացել ՍԴ-ից:

Բոլորը գիտեին այդ մասին եւ չկա՞ր բարձրաձայնելու կարիք: Այդ դեպքում ինչ է ստացվում, չգիտեր միայն վարչապե՞տը, թե՞ նա այժմ ձեւացնում է, թե տեղյակ չէ դատավորի վարքագծից: Իսկ եթե բոլորը չգիտեին, ինչպե՞ս է, որ կառավարող մեծամասնության որեւէ պատգամավոր այս ամիսների ընթացքում գեթ մեկ անգամ չի բարձրացրել հարցը վարչապետի հետ բազում հանդիպումների ընթացքում, առնվազն պատգամավորական արժանապատվությունից ելնելով: Չէ՞ որ, եթե նախապես չգիտես, որ քվեարկում ես ապագա բոյկոտի օգտին, քվեարկությունից հետո բոյկոտ տեսնելը դառնում է արժանապատվության հարց: Ստացվում է, որ պատգամավորները ենթարկվել են անբարեխիղճ մոլորեցման:

Իսկ, ինչպես ասում են, դժվարն առաջին անգամ մոլորվելը կամ մոլորեցվելն է: Ընդ որում, դա գուցե նաեւ վարչապետի առնչությամբ՝ եթե նա տեղյակ չէր մինչեւ հունվարի 25-ը, կամ հանրության հանդեպ վարչապետի վերաբերմունքի առանչությամբ՝ եթե նա տեղյակ էր, բայց հայտարարեց, թե տեղյակ չէ:

Որովհետեւ առաջանում է մեկ այլ հարց. իսկ ի՞նչ է լինում հետո: Ենթադրենք վարչապետը տեղեկացավ: Նա ստանձնելու է Վահե Գրիգորյանին արդարացնելո՞ւ, թե՞ քննադատելու պահվածքը, ինչպես օրինակ Գրիգորյանն էլ մինչ այդ քննադատել էր ՍԴ խնդրի հանդեպ խորհրդարանի մեծամասնության պահվածքը:

Որովհետեւ, եթե Վահե Գրիգորյանը սկսում է աշխատել, ապա առաջանում է մեկ այլ խնդիր. կստացվի, որ այդ հարցում ազդեցություն է ունեցել վարչապետը: Իսկ դա կնշանակի, որ վարչապետն ազդել է ՍԴ դատավորի վրա եւ կստացվի, որ մեծ հաշվով չկա տարբերություն՝ Թովմասյան, թե օրինակ Գրիգորյան:

Հարցը մանրու՞ք է թվում: Հազիվ թե ավելի, քան խորհրդանշական գրիչը:
ՀԱԿՈԲ ԲԱԴԱԼՅԱՆ

Yorumlar