ZEYTİN DALI HAREKÂTI İLE İLGİLİ İRAN’IN TUTUMU

Rusiya Suriyada hansı maraqları güdür?..

Kırgız ressam çivi ve iple Cumhurbaşkanı Erdoğan’ın portresini yaptı

Türkiye tam anlamıyla transit ülkeye dönüşüyor

Եվրոպամետ քաղաքական դեմքերի ու կազմակերպությունների վրա հարձակվելու ստույգ պատվեր կա. Ստյոպա Սաֆարյան

Ermenistan 1 Ekim 2016
544

Կա ստույգ պատվեր՝ եվրոպամետ քաղաքական դեմքերի, կազմակերպությունների վրա հարձակվելու. Tert.am-ի հետ զրույցում ասաց «Միջազգային և անվտանգության հարցերի հայկական ինստիտուտի» նախագահ, քաղաքական վերլուծաբան Ստյոպա Սաֆարյանը:

«Շատ խելք պետք չէ հասկանալու համար, թե որտեղից է գալիս նման հրահանգը: Հատկապես դա տրվել է այն բանից հետո, երբ պաշտոնապես Հայաստանի ղեկավարությունից մինչև հասարակական կազմակերպություններ մեղադրվեցին հակառուսական տրամադրություններ խթանելու մեջ: Այս կտրվածքով՝ տարբեր խմբավորումներ, որոնք հստակ ընդգծված եվրասիական, պրո-ռուսական գծին են սպասարկում, այսօր իրենց թիրախի տակ են վերցրել արևմտամետ մի կազմակերպության մի գործչի և փորձում են զրպարտություններով , սև PR-ով, հերյուրանքներով հասարակական ճնշում գործադրել նրանց նկատմամբ»,- ասաց նա:

Նշենք, որ Ստյոպա Սաֆարյանը ֆեյսբուքյան իր էջում գրառում էր կատարել և նշել, որ Հայաստանում պրոռուսական կազմակերպությունների անդամները հարձակումներ են սկսել արևմտամետ գործիչների նկատմամբ: «Մի խոսքով՝ առաջադրանքը տրված է՝ ընդդեմ Արևմուտքի հետ համագործակցողների ու հայ-ռուսական հարաբերություններում սեպ խրողների…»,- գրել էր նա:

Ըստ Ստյոպա Սաֆարյանի՝ նպատակը հստակ էր․ միջազգային հեղինակավոր դոնոր կազմակերպությունների հետ համագործակցող կամ գործընկերություն անող հայաստանյան կազմակերպություններին վախեցնելը։ «Հիշեցնեմ, որ տարիներ առաջ Ռուսաստանի դեսպանը հայտարարել էր, որ 100-ից ավելի հասարակական կազմակերպություններ սեպ են խրում հայ-ռուսական հարաբերություններում»,- ասաց Ստյոպա Սաֆարյանը՝ ավելացնելով, որ Հայաստանում գործող արևմտամետ գործիչներին ճնշելու հերթական քայլ էր նաև քաղաքագետ Ստեփան Գրիգորյանին Ռուսաստան մուտք գործելն արգելելը:

Նա պատմեց, որ իրենց կազմակերպության՝ «Միջազգային և անվտանգության հարցերի հայկական ինստիտուտի» նկատմամբ քայլեր սկսել են ձեռնարկել դեռևս ամիսներ առաջ՝ անգլալեզու մամուլում իրենց մասին «հերյուրալի» նյութեր հրապարակելով: «Միգուցե ռուսներն են անգլալեզու կայքեր բացել: Այդտեղ ներկայացրել էին կազմակերպության գործընկերներին, դեմքերին, տրվել էին անուններ և այլն: Տեսան, որ դա արդյունք չի տալիս․ մեր կազմակերպության գործունեությունը ոչ միայն չի նվազում, այլ ճիշտ հակառակը՝ ընդլայնվում է: Նոր անուններ են հրապարակ բերվում: Չափազանց անհանգստացած սրանից՝ հարձակման հրավեր են տվել»,- ասաց Ստյոպա Սաֆարյանը:

Նա նշեց, որ ինքը պրոռուսական ուժերի գործողությունները բանավեճ, քաղաքական պայքար չի անվանի: «Ռուսական կողմը ապրիլյան պատերազմից հետո մտածում էր, որ երկրի ղեկավարությունը, որ քննադատություն էր հնչեցրել Ռուսաստանի հասցեին, միայնակ կմնա, հասարակությունը նույն դաշտում չի լինի: Կարծում եմ՝ նրանք մի փոքր խառնվեցին իրար, երբ տեսան, որ հասարակության շուրթերին էլ նույն քննադատություններն էին»,- ասաց Ստյոպա Սաֆարյանը՝ ավելացնելով, որ ապրիլյան պատերազմից հետո Ռուսաստանի վարկանիշը Հայաստանում ընկել է, որովհետև իրենք էին պատերազմի մեղավորները:

Ըստ քաղաքագետի՝ հաշվի առնելով, որ շուտով հայաստանյան քաղաքական դաշտում փոփոխություններ պետք է լինեն, նոր խորհրդարան պետք է ձևավորվի, Ռուսաստանում հասկանում են, որ արևմտամետ հասարակական, քաղաքական գործիչներն ավելի մեծ էլեկտորատ կունենան ընտրություններում, քան ռուսամետները՝ «հատկապես Հայաստանի և Արցախի անվտանգության խնդիրների դաշտում իրենց հռետորաբանության մեջ»:

«Անհանգստացած դրանից՝ ստեղծել են կեղծ պրո-արևմտյան խմբակներ և ուժեր, որոնք թվում է, թե պետք է գործեն արևմտյան կամ եվրոպական կողմնորոշման էլեկտորատի համար, բայց իրենց խնդիրն է ընդամենը արևմտամետներին իրենց ուշադրության կենտրոնում պահելը: Փորձում են նրանց վրա ցեխ շպրտել, զրպարտությամբ, հերյուրանքներով թուլացնել այդ գործիչներին, բայց ես կարծում եմ, որ դա անհեռանկար գործելաոճ է»,- ասաց Ստյոպա Սաֆարյանը՝ նշելով, որ իրենց կազմակերպության ֆինանսական հաշվետվության հետ կապված ոստիկանությունը ևս խնդիր էր տեսել. ըստ նրա՝ շուտով ամեն ինչ կպարզվի:

Ամփոփելով իր խոսքը՝ Ստեփան Սաֆարյանը նշեց, որ իրենք պրո-ռուսական ուժերի կողմից հիմա հարձակման եմ սպասում․«Իրենք իսկապես մտածում են, որ մենք կարող ենք վերստին վերադառնալ քաղաքականություն և
դառնալ լուրջ մրցակից, երբ հատկապես հանրությունը մեր թևի հետ է համաձայն, դրա հետ կապված մեծ մտահոգություն ունեն»:
hripsimehovannisyan
Հռիփսիմե Հովհաննիսյան

Yorumlar