Ankara terroru Türkiyənin Suriya siyasətinə qarşı yönəlib

Ankara terroru Türkiyənin Suriya siyasətinə qarşı yönəlmiş bir addımdır. Belə bir açıqlama ilə çıxış edən Qafqaz Strateji Araşdırmalar Mərkəzinin sədri Hasan Oktay “OLAYLAR”-a bildirib ki, artıq Ankara terrorunu həyata keçirənlər də müəyyənləşdirilib: “Məlumata görə, terror aktını Suriyada fəaliyyət göstərən YPG terror təşkilatı həyata keçirib”. Hasan Oktay deyib ki, PYD/YPG kimi terror təşkilatlarının Suriyanın şimalında ciddi şəkildə irəliləməsinə qarşı Türkiyənin bölgəni toplardan atəşə məruz qoyması terror qruplaşmaları üçün arzuedilən deyildi: “Ona görə də terror təşkilatının Türkiyənin bu addımına cavab olaraq Ankara terrorunu gerçəkləşdirdiyi iddia olunur”.
http://olaylar.az