KAFKASSAM – Kafkasya Stratejik Araştırmalar Merkezi

  1. Anasayfa
  2. »
  3. Gündem
  4. »
  5. Turan Rzayev: NATO daxilində narazılıq artır: Bu ölkə qoşun göndərməyəcək!

Turan Rzayev: NATO daxilində narazılıq artır: Bu ölkə qoşun göndərməyəcək!

Kafkassam Editör Kafkassam Editör - - 3 dk okuma süresi
38 0

Ukrayna ətrafında baş verən gərginlik ABŞ və Qərbin media resursları tərəfindən məqsədyönlü şəkildə manipulyasiya edilərək müharibə fonunda ictimaiyyətə təqdim edilir. Aydın məsələdir ki, rəsmi Vaşinqton media resurslarından Kremlə qarşı təzyiq vasitəsi kimi istifadə edir. Bununla o Rusiyaya həm özünün, həm də Qərbin nə qədər qərarlı və israrlı olduğunu göstərmək istəyir.

ABŞ-dan fərqli olaraq hazırda NATO daxilində heç də bütün ölkələr Kremllə gərginlik yaşamaq istəmir. Hazırda Rusiya ilə iqtisadi-siyasi münasibətləri olan və dini-etnik baxımdan yaxın ölkələr var. Xüsusilə bu ölkələr mövcud vəziyyətdən narazıdır. Misal üçün Xorvatiya bu ölkələrdən biridir.

Ötən gün Xorvatiya Prezidenti Zoran Milanoviç Ukrayna ilə Rusiya arasında müharibə başlayacağı halda hansı addımların atılacağı ilə bağlı sualları cavablandırarkən deyib ki, mən Xorvatiya ordusunun baş komandanıyam və Ukrayna ilə Rusiya arasında münaqişənin gərginləşəcəyi təqdirdə Xorvatiya ordusunun bütün üzvlərini çıxaracağam.

Prinsip etibarilə bu haqlı tələbdir. Gərginliyin günü-gündən artması və müharibə sferasına keçməsi hərkəs kimi Xorvatiyanı da narahat edir. Rəsmi Zaqreb hər şeydən əvvəl slavyan xalqdır və həm Ukrayna, həm də Rusiya ilə yaxındır. Mövcud vəziyyətdə tərəf tutmaq istəmədiyi kimi, NATO daxilində ehtimal müharibəyə qoşulmaq da istəmir. Lakin indiki halda Xorvatiyanın belə bir qərar verməsinin əsas səbəbi hesab edirəm həm də ABŞ ilə bağlıdır. Məsələ ondadır ki, rəsmi Vaşinqton Ukrayna gərginliyində Ukraynaya birbaşa dəstək vermir. Misal üçün Ukraynaya qoşun göndərmir. Bununla belə NATO-nu önə çəkərək Şərqi Avropada alyansın hərbi kontingenti artırır. Faktiki olaraq Ukrayna konfliktində NATO və Kreml üz-üzə gəlir. Bu vəziyyətdən isə ən çox zərər görəcək olan təbii ki, alyans üzvləridir.
Xarvatiya rəhbərliyi görünür bunu anlayır və Vaşinqtonun müdaxilə etmək istəmədiyi bir məsələyə NATO adı altında müdaxilə etmək istəmir.

Milanoviçin “Qərarımız tamamilə Co Bayden rəhbərliyinin dinamikası və Amerikanın daxili siyasətindən asılıdır” sözləri də rəsmi Vaşinqtona açıq mesajdır. Yəni Bayden Ukraynaya qoşun göndərəcəksə NATO üzvləri də göndərəcək. Əks təqdirdə Xorvatiya və digər Avropa ölkələri ABŞ-ın istəyi ilə Ukraynada Rusiyaya qarşı döyüşməkdən bir-bir imtina edəcək.

Turan Rzayevkafkassam

İlgili Yazılar

Bir cevap yazın

E-posta hesabınız yayımlanmayacak.