Azerbaycan Türklerinden Etimat İsmaiyılova kanlı infaz

“Paşinyanı gönderenlər qarşımıza yeni model Koçaryan və Sarkisyan oturdacaqlar”

PUTİNİN ÖLKƏMİZƏ SƏFƏRİNDƏ QARABAĞ AMİLİ..

Rus siyaset bilimci: Olası Kürdistan devleti Rusya için zararlı

TBİLİSİDƏ “İMAM ƏLI KONFRANS KEÇİRİLİB

Gürcistan 24 Nisan 2016
757

TBİLİSİDƏ “İMAM ƏLI (Ə) İSLAMIN ƏDALƏT, VƏHDƏT VƏ İNKİŞAF SİMVOLU MÖVZUSUNDA ELMİ KONFRANS KEÇİRİLİB
tiflisali
Bu gün Gürcüstan Müsəlmanları İdarəsinin təşkilatçılığı ilə Tbilisidə “İmam Əli (ə) İslamın ədalət, vəhdət və inkişaf simvolu” mövzusunda elmi konfrans keçirilib. Konfransda din, dövlət və ictimaiyyət xadimləri və azərbaycanlı ziyalılar iştirak edib.
Konfransı giriş sözü ilə moderator olaraq açan Vidadi Qurbanov ilk öncə Qurani-Kərimin tilavəti üçün sözü Kərbəlayi Rza Qasımova verib. Sonra Gürcüstan Müsəlmanları İdarəsinin şeyxi Hacı Ramin İgidov təşkil olunan konfransın məqsəd və qayəsini açıqlayıb. Hz. Əlinin (ə) İslamın inkişafındakı rolunu üç tarixi dövrdə izah edib: 1) Peyğəmbərin (s) həyatı; 2) İmamlığın başlanğıcı, xəlifələrin zamanı; 3) İslam ümmətinə rəhbərlik dövrü. O qeyd edib ki, həmin dövrlərdə Hz. Əli (ə) həm elmi, həm gücü, həm tədbiri və həm də müstəsna, haqq və ədalətli rəhbərliyi ilə böyük töhfələr bəxş edərək, Allahın vəlisi, Peyğəmbərin vəsisi, Möminlərin əmiri, Allahın aslanı və s. ləqəbləri qazanmışdır.
Sonra Şərqi Gürcüstanın müftisi Hacı Yasin Əliyev və Qərbi Gürcüstanın müftisi Hacı Beqlar Kamaşidze etibarlı əhli-sünnə mənbələrinə əsasən İmam Əlinin (ə) örnək səhabə və nümunəvi xəlifə olmasından, məqam və fəzilətlərindən məqamlara toxundular.
Daha sonra ölkəmizdə qonaq olan Ali Dini Rəhbər Ayətullah Seyyid Əli Xameneinin nümayəndəsi Seyyid Əli Əkbər Ocaq Necat gözəl bəyanı ilə möminlərin əmiri İmam Əlinin (ə) həyatından alınan dərslər, insanlığa nümunə olacaq rəftar və həyat tərzlərindən söhbətlər açıb Hz. Əlinin (ə) hər iki İslam məzhəbi tərəfindən sevilən şəxs olduğunu söylədi. O qeyd etdi ki, Hz. Əli (ə) “İmam”, və ya “Xəlifə” məfhumu ilə adlansa da hər ikisi onun İslam ümmətinin öndəri və rəhbəri olması mənasını daşıyır və hər iki məzhəb onun fəzilətini təsdiq edir. Buna görə Hz. Əli (ə) də Peyğəmbər (s) kimi İslamın vəhdət meyarı və simvolu kimi qəbul olunmalıdır.
Sonda Türkiyə Diyanət İşləri Başkanlığının Gürcüstan üzrə nümayəndəsi, Səfirliyin din müşaviri Hacı Nəbi Gümüş və Qərbi Gürcüstan müftiliyinin muavini vəzifəsini daşıyan Hacı Adəm Şantadze çıxış etdilər.
Çıxış edənlər son zamanlar İslamın fitnə ilə qarşılaşdığı və İslam coğrafiyasında ürəkağrıdan hadisələrin yaşandığı bir zamanda müsəlmanların tək ümmət olub daha da vəhdət təşkil edərək bir olmalarının önəmindən danışdılar.
İki saat sürən konfrans Əhlibeyt məddahı Cəfər İmani Nejadın İmam Zaman (ə) duası oxuması ilə sona çatdı.

Yorumlar