KAFKASSAM – Kafkasya Stratejik Araştırmalar Merkezi

  1. Anasayfa
  2. »
  3. Rusya
  4. »
  5. Shahin Caferli: Putin istiyor ki Rus dili Ukraynada ikinci rəsmi dil elan olunsun

Shahin Caferli: Putin istiyor ki Rus dili Ukraynada ikinci rəsmi dil elan olunsun

Kafkassam Editör Kafkassam Editör - - 2 dk okuma süresi
21 0

Putin rejiminin gerçəklərdən nə qədər qopduğunu göstərən məqamlardan biri də Ukrayna qarşısında qoyduğu tələblərdir.

Məsələn, əsas tələblərdən biri budur ki, rus dili Ukraynada ikinci rəsmi dil elan olunsun.

Mümkün deyil, amma tutaq ki, Ukrayna hökuməti bunu qəbul etdi. Praktikada nə dəyişəcək? Ukrayna xalqı birdən-birə kütləvi şəkildə rus dilini sevməyə başlayacaq? Səbirsizliklə rusdilli məktəblər açılmasını gözləyəcəklər ki, övladlarını həmin məktəblərə yazdırsınlar? Yoxsa, tam əksinə, bu durum onları rus dilindən, rus mədəniyyətindən daha da uzaqlaşdıracaq? Cavab yəqin ki, hamıya aydındır.

Başqa bir absurd tələb isə demilitarizasiyadır. İndi müharibədəki dirənişdən sonra mövqelərini guya yumşaldıbar, deyirlər ki, biz Ukrayna ordusunun buraxılmasını tələb etmirik, amma say və silah məhdudiyyəti olsun. Doğrudanmı anlamırlar ki, onların işğalçı ordusu ilə şir kimi döyüşən, hər gün başından raket, bomba yağmasına rəğmən mübarizə əzmi, qəzəbi daha da artan siyasiləşmiş Ukrayna ordusu buna heç vaxt razı olmaz?

Ümumiyyətlə, bu tələblərin bir çoxunun (neytrallıq, dil) həyata keçirilməsi üçün Konstitusiyaya dəyişiklik etmək lazımdır. Rusiyaya nifrətin zirvəyə çatdığı bir ölkədə müharibədən sonra xalq referenduma gedib, Putinin tələblərinin qəbuluna səs verərmi? Ukrayna xalqını buna məcbur edəcək güc varmı? Bəlkə ciddi bir təbliğat kampaniyası ilə hökumət əhalini neytral statusa razı sala bilər, o da bir şərtlə ki, əvəzində böyük dövlətlər Ukraynaya ciddi, real təhlükəsizlik təminatı versinlər.

Yeri gəlmişkən, Ukraynanın xarici işlər naziri Kuleba prezident Ərdoğanın guya 4 məsələ üzrə Ukrayna və Rusiyanın razılığa gəldiyinə dair açıqlamasını təkzib edib.

Shahin Caferli Kafkassam

İlgili Yazılar

Bir cevap yazın

E-posta hesabınız yayımlanmayacak.