KAFKASSAM – Kafkasya Stratejik Araştırmalar Merkezi

  1. Anasayfa
  2. »
  3. Azerbaycan
  4. »
  5. Kamal Aliyev:İran Azərbaycanda siyasi sui-qəsdlərə start verdi?

Kamal Aliyev:İran Azərbaycanda siyasi sui-qəsdlərə start verdi?

Kafkassam Editör Kafkassam Editör - - 3 dk okuma süresi
208 0


Kamal Aliyev:İran Azərbaycanda siyasi sui-qəsdlərə start verdi?

Azərbaycan Milli Məclisinin deputatı Fazil Mustafa yaşadıgı evin qarşısında terror hücumuna məruz qalıb.Deputat odlu silahdan atəş açılıb və o,çiyinindən və ayagından yaralanıb.Nəzərə almalıyıq ki,Fazil Mustafa ölkənin tanınmış siyasətçilərindən biri olaraq,uzun illərdir İranın Azərbaycana qarşı apardıgı ikiüzlü siyasətə qarşı çıxışlar edib,bu ölkənin Azərbaycandakı 5-ci kalonunun fəaliyyəti haqqında davamlı tənqidi fikirlərini səsləndirib.Əbəs yerə deyil ki,İranın Azərbaycandakı radikal şiə şəbəkəsi uzun illərdir Fazil Mustafanı hədəf seçərək,onu dəfələrlə sosial şəbəkələrdə linçə məruz qoyub.
Digər yandan,hal-hazırda Azərbaycan və İran arasında münasibətlər gərgindir.Üstəlik,İran Naxçıvanla sərhədə hərbi qüvvələrini yerləşdirərək,Azərbaycana “əzələ”nümayiş etdirir.Maraqlı məqam həm də ondan ibarətdir ki,sabah İsraildə Azərbaycan səfirliyi rəsmi fəaliyyətə başlayacaq.Görünür,Tehrandakı klerikal rejim Azərbaycan-İsrail münasibətlərini bəhanə gətirərək,həmişə bacardıgı terror aksiyalarına başlayacaq.
Ötən dəfə də yazdıgım kimi,İran Azərbaycana hücum etmək üçün bəhanə axtarır.Mümkündür ki,rejim Azərbaycana qarşı hər hansı hərbi təcavüzdən əvvəl daxildə də qanlı terror aksiyalarına start versin.İran vı ona yaxın olan radikal şiə cərəyanı Azərbaycan cəmiyyətində siyasi sui-qəsdlər törətməklə,əhali arasında qorxu yaratmaq istəyində ola bilər.Əlbəttə,mən buna hipotetik yanaşıram və fərz edirəm ki,rejim anti-Azərbaycan siyasətinin şiddətini bundan sonra da artıracaq.Bu terror hadisəsinin müəlliflərini və açraçılarını müəyyən etməzdən əvvəl bunun kimə fayda verdiyini ortaya çıxarmaq lazımdır.Təsadüfü deyil ki,Fazil Mustafaya qarşı bu qanlı terrordan sonra İranın təsir agentləri,agentura şəbəkəsi sosial-şəbəkələrdə baş vermiş olaya sevinir.Bu isə öz növbəsində,terror hadisəsində şübhəli kimi İrandakı teokratik rejimə diqqəti çəkir.
Nəticə olaraq,Azərbaycanda ictimai-siyasi sabitlik getdikcə pozulur.Indi ən hass mövzu Azərbaycan-İran münasibətlərinin bundan sonrakı gedişatı olacaq.Cənubi Qafqaz həm regional,həm də qlobal aktorların maraqlarının toqquşdugu cografiyadır.İran da regional güc kimi Azərbaycanda bundan sonra da teror aktlarına əl ata bilər.Unutmamalıyıq ki,rejim Yaxın Şərqdə öz proksiləri vasitəsi ilə öz geopolitik məqsədlərinə nail olmaq üçün terror aktlarına baş vurub.

Kamal Aliyev

İlgili Yazılar

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir