Avropa İttifaqının xarici işlər nazirləri bu gün Ukraynaya silah istehsalı üçün 1 milyard avro ayrılacağını elan edəcəklər. Bu barədə Avropa İttifaqının xarici işlər və təhlükəsizlik siyasəti üzrə ali nümayəndəsi Kaya Kallas Aİ xarici işlər nazirlərinin Varşava görüşündən sonra keçirilən mətbuat konfransında bildirib.
Onun sözlərinə görə, Aİ xarici işlər nazirləri bu gün Ukraynaya səfər edəcək.
“Mayın 9-da Kiyevə səfəri zamanı Avropa İttifaqının xarici işlər nazirləri Ukraynaya silah istehsalı üçün 1 milyard avro ayrılacağını elan edəcəklər”, – o qeyd edib.
Kallas əlavə edib ki, Avropa Komissiyası mayın 20-dək Rusiyaya qarşı 17-ci sanksiyalar paketini qəbul etmək niyyətindədir.
Əslində Avropanın Ukraynaya dəstəyi artıcağı gözlənilən idi. Məsələ burasındadır ki, Rusiya- Ukrayna müharibəsi ilə bağlı ABŞ və Avropanın mövqeyi üst-üstə düşmür. Avropa rəsmi Vaşinqtondan fərqli olaraq savaşın bitməsini istəmir. Çünki müharibə bitəcəyi təqdirdə Rusiya Avropa paytaxtları üçün yenidən təhdidə çevriləcək.
Bu baxımdan Avropa birbaşa və dolayısı yolla ABŞ-nin danışıqlarla bağlı planlarına qarşı çıxır. Ukraynaya birdən- birə 1 milyard avrop həcmində yardımın ayırılması da bu konteksdən qiymətləndirilməlidir. Avropa çalışır ki, Ukrayna gücdən düşməsin və mübarizəni davam etdirsin. Gələcəkdə Avropanın Ukraynaya dəstəyi bir az artırması mümkündür.
Beləliklə, Avropanın ABŞ arasında çox ciddi rəqabət gedir. Bu mübarizənin gələcəkdə daha da dərinləşməsi gözləniləndir.
Kənan Novruzov