KAFKASSAM – Kafkasya Stratejik Araştırmalar Merkezi

  1. Anasayfa
  2. »
  3. Türkiye
  4. »
  5. Hasan Oktay: Rəcəb Tayyib Ərdoğanın rəqibi kim olacaq?

Hasan Oktay: Rəcəb Tayyib Ərdoğanın rəqibi kim olacaq?

Hasan Oktay Hasan Oktay - - 9 dk okuma süresi
221 0

“İyunun 18-də keçirilməli olan seçki prezidentin namizədlik müddəti ilə bağlı bəzi mübahisələri ardınca gətirəcəyi üçün seçki mayın 14-də keçiriləcəkdi. Amma Türkiyədə olan zəlzələ ilə əlaqədar olaraq, Ali Seçki Şurası mayın 14-ü tarixini iyunun 18-nə qədər təxirə sala bilər. Bu zəif olsa da bir ehtimaldır. Zəlzələ oldu deyə seçkilərin təxirə salınıb-salınmayacağı müzakirə edildi. Amma prezident seçkilərini təxirə salmaq səlahiyyəti ancaq müharibə zamanı mümkün olduğu üçün seçkilər gecikdirilməyəcək”.

Bu barədə bizimyol.info xəbər portalına Türkiyənin Qafqaz Araşdırmaları Mərkəzinin rəhbəri, siyasi analitik Hasan Oktay danışıb. Onun sözlərinə görə, Türkiyədə sistem dəyişikliyi həyata keçirildikdən sonra ikili bir blok yaradılıb. Hazırda iqtidarda olan Ədalət və Kalkınma partiyası ilə Milliyyətçi Hərəkət Partiyası “Respublika Alyansı” adı altında birləşdi.

Hasan Oktay Hasan Oktay
“Hər nə qədər bu blokda Mustafa Desticinin rəhbərlik etdiyi Böyük Birlik Partiyası və Perincekin rəhbərlik etdiyi Vətən Partiyası yer alsa da AKP və MHP “Respublika Alyansını” təşkil edir. Digər blok olan “Millət İttifaqını” isə Ali Babacanın Demokratiya və Çıxış Partiyası, Ahmet Davutoğlunun Gələcək Partiyası, Gültekin Uysalın Demokrat Partiyası, Temel Karamolla oğlunun Saadat Partiyası, Meral Akşenerin İYİ partiyası və Kamal Kılıçdaroğlunun rəhbərlik etdiyi Cumhuriyyət Xalq Partiyası təşkil edir”-deyən Hasan Oktay bildirib ki, “Millət İttifaqı” müxalifətdə olub, bu seçkiləri qazanmaq üçün ortaq bir prezident namizədi seçmək mərhələsindədir.

Bugünə qədər namizdələrini müəyyən etməməsinə səbəb iqtidarın, yəni “Respublika Alyansının” dövlət gücündən istifadə edərək, namizədi yıxacağından narahatlıq duymasıdır. Bu səbəbdən də namizədləri müəyyən etmək üçün çox gizli iş aparılıb. Hökümət mediasının yaratdığı ən böyük təbliğat belə ortaya bir namizəd çıxara bilməyib.

Onun sözlərinə görə, “Millət İttifaqı” HDP ilə hər-hansı bir bağın olmadığını ifadə etməklə yanaşı seçki zamanı HDP seçicisinin səslərini özünə çəkmək üçün bəzi cəhdlər edir. HDP də bunu bildiyi üçün xüsusilə “ Altılı masa” nın prezident namizədinin kim olması və ya olmaması mövzusunda fikir bildirir.

“Məsələn, “Altılı masanın” namizdələrindən adı önə çıxan Ankara Böyük Şəhər Bələdiyyə sədri Mansur Yavaş üçün HDP mənfi fikir bildirdi. Eyni zamanda əhəmiyyətli bir namizəd olan İstanbul Bələdiyyə sədri Ekrem İmamoğlu isə hüquqi baxımdan prezidentliyə namizd ola bilməyəcəyi üçün “Altılı masa” yeni axtarışlar içərisindədir.

“Respublika Alyansı” özünə rəqib kimi Cumhuriyyət Xalq Partiyasının rəhbəri Kemal Kılıçdaroğlunu görmək istəyirsə də, Türkiyədə seçicilər Kamal Kılıçdaroğlunun namizədliyinə çox da isti yanaşmırlar. Belə olduğu halda Respublika İttifaqına, Rəcəb Tayyib Ərdoğana qarşı “ Altılı masanın”, yəni “Millət İttifaqının” müəyyən edəcəyi namizəd hamı üçün maraqlıdır.

İradə Cəlil, Bizimyol.info https://www.bizimyol.info/az/news/444208.html

“Türk seçicisinin 70 faizi sağ partiyalara səs verən milliyətçi, mühafizəkar, dindar və 30 faizi sol sosial-demokrat Marksist, Qərbmeylli kəsimdir.

“Altılı masanı” təşkil edən 5 partiya sağçı-milliyyətçi, mühafizəkar, biri Cümhuriyyət Xalq Partiyası da tərkibini sosialist, sosial-demokrat, Marksist qrupları təşkil edən siyasi partiyadır. “Altılı masa” namizəd seçərkən seçicilərin bu vəziyyətini nəzərə alaraq, namizədin Cümhuriyyət Xalq Partiyasından, amma milliyyətçi, mühafizəkar və sağcı bir ənənədən gələn bir siyasətçi olmasına diqqət etməsi, “Respublika İttifaqına” qarşı seçkini qazana bilməsi üçün tək yol kimi görünür. Çünki solçu namizədə “Altılı masanın” beş komponentinin seçicisi səs verməyə bilər. CHP-dən kənar sağcı bir namizəd olarsa, bu dəfə də CHP seçicisi bu namizədə səs verməyə bilər”.

Bu barədə Bizimyol.info xəbər portalına Türkiyənin Qafqaz Araşdırmaları Mərkəzinin rəhbəri, siyasi analitik Hasan Oktay Türkiyədə keçiriləcək prezident seçkiləri bağlı danışarkən bildirib. Onun sözlərinə görə, bu baxımdan Ekmeleddin İhsanoğlu modeli ciddi bir şəkildə nümunədir.

Hasan Oktay Hasan Oktay
Siyasi şərhçi qeyd edir ki, “Altılı masa” bu şəkildə öz səslərini namizədinin ətrafında birləşdirə biləcək. Belə olarsa, “Altılı masa” məntiqli bir şəkildə təhlil edərək, öz namizədini müəyyən edə biləcək. “Respublika İttifaqının” xüsusilə zəlzələdən sonra seçiçilər arasında ciddi şəkildə etibarını itirdiyi müşahidə edilir. Prezidentin Adıyamanda çıxışı zamanı “İki gün gec gəldiyimiz üçün haqqınızı halal edin” cümləsi ilə bütün Türkiyədə ciddi bir narazılığa səbəb oldu. Qarşıda olan seçkilərdə əsas gündəmində müzakirə mövzusu zəlzələ, iqtisadi böhran, Türkiyənin yenidən strukturlaşdırılması, zəlzələ bölgəsində əhali hərəkətliliyi, Hatayın yenidən Suriya üzərindən ingilis və fransızların əlinə keçmə ehtimalı olacaq.

Politoloqun fikrincə, “Millət İttifaqı” Atatürkün mirası olan və Türk millətini Atatürk ətrafında birləşdirmək üçün Hatayın təkrar Türkiyəyə qazandırılması təbliğatı ilə Hatay Böyükşəhər bələdiyyə sədri Lütfü Savaşı prezidentliyə namizdə kimi göstərə bilər. Zəlzələ şərtləri, coğrafiyanın yenidən bərpa edilməsi, problemlərin daha rahat həll edilə bilməsi üçün zəlzələ bölgəsindən bir namizədin xalqın qarşısına çıxması, xalqda böyük simpatiya yarada bilər. Hatayın, xüsusilə Suriya böhranından sonra ərəbləşməyə başlaması Hatayın Türk əhalisinin Hatayı tərk etməsi və bölgənin təkrar ərəblərin əlinə keçməsi, Atatürkün vəsiyyətinə görə, Hatayı təkrar Türkiyə Cümhuriyyətinə qatmaq üçün “yeni bir prezident Hataydan”, “ikinci bir prezident” deyə “Millət İttifaqının” həyata keçirəcəyi təbliğat 60 faiz seçici səsini qazandıra bilər.

Hasan Oktay bildirib ki, Hatay bir ilə yaxın müstəqil qalıb. Bu dövrdə Tayfun Şofben adlı bir prezidentlə Türkiyəyə qatılmışdı. Onun fikrincə, zəlzələdən sonra zəlzələ bölgəsinin yenidən Türkiyəyə qatılmasını təmin etmək üçün Hataydan bir prezident Türkiyə Cümhuriyyətinin yenidən strukturlaşdırılması baxımından qurucu dəyərlərə dönməsi baxımından çox əhəmiyyətli bir fürsətdir. Çünki “Respublika İttifaqı” inşaat lobbisi və sahəsinin istiqamətləndirilməsi ilə bölgənin əsas məsulu kimi görünür. Belə ki, bölgədəki 11 şəhərin 9-u AK partiyadan, ikisi Cümhuriyyət Xalq Partiyası tərəfindən idarə edilir. Yəni 77 ilçə yəni rayonun çoxu AKP tərəfindən idarə edilir. Qısası, zəlzələ bölgəsində bütün məsuliyyət hökümətə aiddir. Zəlzələnin üzərindən 20 gün keçməsinə baxmayaraq, hələ də böyük problemlərin yaşanması hökümətin uğursuzluğu kimi “Altılı masa” tərəfindən təbliğ ediləcək.

“Seçkilərin təbliğatının mərkəzində zəlzələ olacağı üçün “Altılı masa” üçün ən yaxşı namizəd Hatay Bələdiyyə sədri Lütfü Savaş görünür. Təbii ki, qərarı “Altılı Masa” verəcək”-deyə Hasan Oktay bildirib.

İradə Cəlil, Bizimyol.info https://www.bizimyol.info/az/news/444358.html

İlgili Yazılar

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir