Fuad Gahramanlı: Rusiya müxalifəti Putin rejiminə qarşı silahlı mübarizəyə qərar verdi

Dünən Ukraynada Putin rejiminə qarşı mübarizə ilə bağlı mühüm addım atılıb. Ukraynanın İrpen şəhərində “Azad Rusiya” legionu, “Rus könüllülər korpusu” və “Milli Respublika ordusu” bir araya gələrək Putin hakimiyyətinə qarşı silahlı mübarizəyə başlamaları barədə “İrpen deklarasiyası” imzalayıblar. Bununla da dinc demokratik mübarizə imkanlarının qalmadığı faşist Rusiyasında Putin rejiminə qarşı silah mübarizəyə keçid rəsmi olaraq elan edilib
Bildirilir ki, müqavimətin kordinasiya mərkəzi Kiyevdə yerləşəcək.
Bu hadisəyə Qərbin Rusiya işğalına qarşı Ukrayna verdiyi dəstək prosesinin tərkib hissəsi kimi də yanaşmaq olar. Ona görə də silahlı Rusiya müxalifətinə ölkə daxilində əməliyyatlar həyata keçirmək üçün zəruri maliyyə, kəşfiyyat məlumatları və silah sursat veriləcəyi, lazımi təlimlərin də keçiləcəyi gözlənilir.
Birazdan Putini nəinki Ukrayna cəbhəsinə, ölkə daxilinə də nəzarəti itirməli olacaq.

Fuad Gahramanlı