Əli Kərimli ilə bağlı hazırlanmış plan absurda dirənib. Görünür bu plan hazırlanarkən Aydın Əliyevin Əli bəylə bağlı xüsusi ittiham qaydasında verdiyi şikayətdə təhqir kimi göstərilən ifadələrin siyasi məzmununa diqqət yetirən olmayıb. Ona görə də məsələ ictimailəşəndən sonra hakimiyyət özü də çətin vəziyyətdə qalıb. Çünki Aydın Əliyevin adından təqdim edilən şikayət Əli Kərimliyə qarşı yönəlsə də, məhkəmə bu işi baxış üçün qəbul edərsə, o zaman müraciətdə yer alan “hakimiyyətlə əməkdaşlıq”, “AXCP -siyasi kursuna qarşı çıxmaq” kimi ifadələr də istər istəməz təhqir xarakterli ifadələr kimi qiymətləndirilmiş olacaq. Bu isə ittihamın siyasi məzmununu hakimiyyətin özünə qarşı çevrmiş olacaq. Bundan sonra hakimiyyət gərək özü məhkəmənin bu qərarına aydınlıq gətirmiş olsun ki, belə bir hüquqi qiymətləndirmədən sonra necə bu ölkəni idarə edir və ya seçkidə səs aldığını deyə bilir. Bizə isə gozləmək qalir ki, ayin 19-da ki, Azərbaycan hakimiyyəti bu məsələdə öz adınının təhqir elementi kimi qiymətləndirilməsi ilə razı olacaq, ya yox .
Əli Kərimliyə qarşı cəfəngiyyat xarakterli cinayət işinin başlanmasına ilkin beynəlxalq reaksiyar onu göstərir ki, prosesə böyük beynəlxalq maraq və diqqət var. Bu xəbər yayılan kimi Böyük Britaniya, ABŞ səfirlərinin, 9 ölkənin iştirakı ilə Avropa Birliyinin olkəmizdəki nümayəndəliyinin Əli Kərimli ilə görüşməsi və məsələ ilə bağlı narahatlığın bildirilməsi , ABŞ Dövlət Departamentinin məsələni qınaması onu göstərir ki, hakimiyyət irəli getmək istəsə, bu reaksiyalar daha da böyüyüyəcək və sərt məzmun daşıyacaq. Çünki bu görüşlərdən birində iştirak etmiş səxs kimi gəldiyim qənaət əsasında deyə bilərəm ki, Qərb üçün Əli Kərimlinin həbsi Azərbaycanın tam Beloruslaşması və diktaturaya keçid anlamına gəlir. Bu isə Qərblə Azərbaycan hakimiyyəti arasında siyasi münasibətlərin buna uyğun dəyişməsinə və gündəmdə olan sanksiya mexanizmilərinin işə düşməsinə yol açar.
Əgər Azərbaycan hakimiyyəti Əli Kərimlinin hər hansı qondarma əsasla həbsinə bu gün regionumuzda dəyişməkdə olan geosiyasi tarazlığın gələcəkdə ölkənin daxili siyasətinə təsirlərinin qarşısını almaq imkanı kimi baxırsa, bu, çox yanlış dəyərləndirmədir. Niyə ? Çünki belə bir həbs katalizator kimi prosesləri daha da sürətləndirərək hakimiyyətin ehtiyat etdiyi reaksiyaları tezləşdirə, Qərbi gələcəkdə əl atacağı gözlənilən təsir və təzyiq mexanizmlərinə məhz indi əl atmağa vadar edə bilər. O zaman Azərbaycan hakimiyyəti məhşur misalda deyildiyi kimi “qaş düzəltmək istədiyi yerdə vurub göz də çıxarmış” olar.
Azərbaycan cəmiyyətinin reaksiyası da bu məsələdə hakimiyyəti məyus edə bilər. Çünki təcrübə onu göstərir ki, siyasi liderlərin həbsi onların azadlıqd əldə edə bilmədiyi siyasi dəstəyi, sosal bazanı ,xalq rəğbətini qazanmalarına , bütövlukdə protest elektoratın liderinə çevrilməsinə yo açır. Çünki indiki şərtlər daxilində müxalifət lideri olaraq Əli Kərimlinin gücü nə maliyyədə, nə də ki, inzibati resurslarda deyil, bir lider kimi onu əsas gücü icitimai reytinqində, cəmiyyətin rəğbətindədir. Əli bəy həbs olunacağı təqdirdə onun azadlığa uğrunda başlayacaq ölkə daxili və beynəlxalq müdafiə kampaniyasının gedişi qısa müddətdə onun həbsxanada ola- ola indikindən daha böyük nüfuz və təsir imkanları qazanmasına yol acar.
