Ukrayna prezidenti Volodimir Zelenski Rusiya ilə danışıqların iki əsas hədəfini elan edib: “Atəşkəs elan edilməli və Rusiya qoşunları Ukrayna ərazisini tərk etməlidir”. Haqlı tələbdir. Sadəcə sual olunur: “Rusiya qoşunları Ukrayna ərazisini tərk etməlidir” tələbinə Krım də Donbasın separatçılarının nəzarətindəki hissə də aiddirmi? Siyasət mümkün olan reallaşdırılmasıdır. Əlbəttə, Ukrayna üçün birinci növbədə Rusiya qoşunlarının müharibədən əvvəlki mövqelərə çəkilməsidir. Rusiyanın buna razılaşıb-razılaşmayacağı bəlli deyil. Ancaq müharibə dayansa belə Krım və Donbass Ukrayna üçün əlavə problem yaratmaqda davam edəcək. Rusiya elə bir vəziyyətə düşə bilər ki, Krımla Donbassı əlində saxlamaq da çətinləşə bilər. Ukrayna və Qərb bu ssenariyə də hazır olmalıdır.
Elhan Şahinoğlu