GÜRCÜSTANIN BAŞ NAZİRİ ÖLKƏ MÜSƏLMANLARINA İFTAR SÜFRƏSİ TƏŞKİL EDİB

Rus senatör: Türkiyenin Suriye’yi parçalamak gibi bir niyeti yok

ELAM, Enosis Krizi ve Crans-Montana Zirvesi

The Reflection Of Glocalization: Syrian Crisis

ASALA Sarkisyana qarşı

Ermenistan 25 Temmuz 2016
542

ASALA Sarkisyana qarşı  Erməni terror təşkilatı ASALA-nın üzvü olmuş Akop Djulfayan Ermənistanda polisin insanlara zülm etdiyini deyib.

Admiral.Az Ermənistan mediasına istinadən xəbər verir ki, ASALA üzvü İrəvanda keçirilən aksiyalara polisin müdaxiləsindən danışaraq, Serj Sarkisyana qarşı çıxıb.

O, 1981-ci il 24 sentyabr tarixində Türkiyənin Parisdəki konsulluğuna terror hücumu etdikləri zaman yaşadıqları ilə hazırda Ermənistanda baş verənləri müqayisə edib.

“Biz Parisdə türk konsulluğunu tutanda ermənilər bizə dəstək verdi. Lakin Parisdə polislər bizimlə pis davranmadılar. Bu gün isə erməni polisi camaatı həbs edir, qızları, qadınları, uşaqları maşına doldurub aparır”, – deyə terrorçu bildirib.

ASALA üzvü daha sonra “ərazi güzəştinə hüququmuz yoxdur” sözləri ilə Dağlıq Qarabağ münaqişəsinin nizama salınması ilə bağlı danışıqlar prosesinə və işğal altındakı Azərbaycan ərazilərinin bir hissəsinin qaytarılması məsələsinə işarə vurub.

Qeyd edək ki, ASALA beynəlxalq ictimaiyyət tərəfindən terror təşkilatı olaraq tanınır. Hazırda rəsmi şəkildə bu təşkilatın fəaliyyət göstərmədiyi bildirilir. Lakin onun üzvü olmuş terrorçular Ermənistanda qəhrəman kimi qəbul olunurlar.

Gülnar Babazadə

Yorumlar