KAFKASSAM – Kafkasya Stratejik Araştırmalar Merkezi

  1. Anasayfa
  2. »
  3. Rusya
  4. »
  5. Aqşin Kərimov: Rusiya-Ukrayna müharibəsi: Real vəziyyət, yeni hücum planları

Aqşin Kərimov: Rusiya-Ukrayna müharibəsi: Real vəziyyət, yeni hücum planları

Kafkassam Editör Kafkassam Editör - - 3 dk okuma süresi
29 0

Ukrayna Rusiyanın Qara dənizdəki donanmasının əsas vuran əli olan “Moskva” kreyserini vurub dənizin sularına qərq etdikdən sonra müharibənin xarakteri şiddətlənir.

Qara dənizdə gəmisi batan (həm həqiqi, həm də metafora) Rusiya Kiyevi və Polşa ilə sərhəddəki Lvovu atəşə tutmaqla qisas aldığını düşünür, amma bundan sonra Moskvanın hərbi planlarının daha dağıdıcı olacağını da söyləmək mümkündür.

Rusiya quru döyüşlərində uğur qazanmaq potensialından məhrumdur, onun əsas gücü məsafədən raket zərbələri endirməklə məhdudlaşır – ən azından indiki məqam üçün.

Buna görə də, Rusiyanın yenidən geri çəkildiyi əraziləri və Lvovu bombardman edəcəyi gözləniləndir.

Hərçənd ki, Rusiya hazırda Kiyevə, Sumıya, Çernıqova zirehli texnikalarla və desant qüvvələri ilə hücum həyata keçirmir, amma Ukraynanın cənubunda və şərqindəki müharibə alovlarını daha yüksəklərə qaldırmaqla şimal-şərqdəki məğlubiyyətinin əvəzini çıxır.

Rusiya qüvvələri işğal etdiyi İzyum oxunda yeni cığırlar açmaq üçün vurnuxur, davamlı olsa da, keyfiyyətcə uğursuz hücumlara imza atır.

Bu hücumların imitasiya xarakterli planının tərkib hissəsi olduğu versiyası güclüdür, yəqin ki, Rusiya ordusu Ukraynanın şərqində genişmiqyaslı hücuma keçmək üçün tələsmir.

Təxirə salınmağın səbəbləri Rusiya ordusunun mənəvi ovqatındakı ruh düşkünlüyü və onların təchizat problemləri ilə üzləşməsidir, lakin Rusiyanın hər vəchlə özünü ələ alaraq enerji toplamağa davam etdiyi görünür.
Xersonu və Mariupolu ələ keçirən Rusiyaya qarşı dirənişlər davam edir, hətta Mariupolda partizan döyüşlərinə də start verilib.

Mariupol Rusiya-Ukrayna müharibəsindəki dəhşətli mənzərələrin mərkəzinə çevrilir, vəziyyəti daha da qəlizləşdirən isə limana və Azovstal zavoduna hücumların davam etməsidir.

Böyük ehtimal ki, Rusiya Azovstal zavodunun yerdə qalan müdafiəçilərini atəş gücü ilə təslim olmağa vadar edəvcək, bununla belə ukraynalı döyüşçülər təslim olmamaq prinsipiallığından geri çəkilmir.

Rusiyanın Ukraynanın şərq və cənub-şərq cinahlarında üstünlük qazanması onun yenidən Kiyevə hücum edəcəyi ehtimallarını artırır.

Ukrayna tərəfindən verilən bəyanatlar həmin ehtimalın real zəminə keçəcəyi ssenarilər üzərində fikir yürütməyə əsas verir, hərçənd ki, Rusiyanın indi Kiyevə hücum üçün toparlanmağı xeyli vaxt tələb edər.

Rusiyanın Kiyevə təcavüz planına dair açıqlamaların nüvəsinə dair digər versiya da səsləndirmək olar.

Mümkündür ki, Qərb və Ukrayna bu mövzunu ortaya atmaqla Ukraynanın intensiv silahlandırılmasının davamlılığını təmin etmək istəyir, bu isə müharibənin müddətini uzadan faktorlardan birinə çevrilir.

Aqşin Kərimov Kafkassam

İlgili Yazılar

Bir cevap yazın

E-posta hesabınız yayımlanmayacak.