KAFKASSAM – Kafkasya Stratejik Araştırmalar Merkezi

  1. Anasayfa
  2. »
  3. Azerbaycan
  4. »
  5. Aqşin Kərimov: Rusiya-Ukrayna müharibəsi: Paşinyan yola gəlir?

Aqşin Kərimov: Rusiya-Ukrayna müharibəsi: Paşinyan yola gəlir?

Kafkassam Editör Kafkassam Editör - - 3 dk okuma süresi
27 0

Rusiya-Ukrayna müharibəsi: Paşinyan yola gəlir? – TƏHLİL

Rusiya-Ukrayna müharibəsi fonunda Ermənistan baş naziri Nikol Paşinyanın Azərbaycanla sülh sazişi imlanacağını bəyan etməsi diqqət çəkir.

Paşinyanın bəyanatı Ukraynadakı proseslərin qaynama dərəcəsinin artdığı və Azərbaycanın Rusiya sülhməramlılarının müvəqqəti yerləşdiyi ərazilərində antiterror əməliyyatları aparacağı haqqında fikirlərin dövriyyədə olduğu vaxta təsadüf edir.

Əgər Nikol Paşinyan blef etmirsə, yəni “sülh göyərçini” olduğu haqqında blef etmirsə, o zaman düşünmək olar ki, Ermənistan Azərbaycanın hansısa güc tətbiqi məsələsindən narahatlıq keçirir.

İndiki halda Azərbaycanın sülhməramlıların dislokasiya edildiyi ərazilərdə separatçıları zərərsizləşdirmək üçün hərbi əməliyyatlar keçirməsi Paşinyan hakimiyyətinə yeni zərbə olar.

Üstəgəl, kimin necə yozmasından asılı olmayaraq, Moskva Bəyannaməsinin 11-ci və 18-ci bəndləri Azərbaycanın separatçıları öz ərazilərindən qovması məsələsində Moskvanın Bakıya dəstəyinə əsas yaradır.

Hərçənd ki, hazırda Moskva Bəyannaməsini qüvvəyə minmiş hesab etmək olmaz, çünki ölkə parlamentləri həmin sənədi ratifikasiya etməyib.

Bununla belə, hər hansı hərbi plan da Bakının masası üzərindədir fikrini yürütmək üçün əsas var.

Prezident İlham Əliyev fevralın 22-də Kremldə rusiyalı həmkarı Vladimir Putinin qarşısında ilk dəfə açıq şəkildə 10 noyabr bəyanatının 4-cü maddəsini xatırladaraq Ermənistan silahlı qüvvələrinin Azərbaycan ərazilərindən çıxarılmasının vacibliyini vurğulamışdı. Bunun özü Bakı-Moskva xəttində bu məsələdə razılıq əldə edilməsini önə çıxarır.

Paşinyanın açıqlaması həm də Türkiyə-Ermənistan münasibətlərinin normallaşma prosesini sürətləndirən amilə çevrilir.

Görünür ki, Ankara da İrəvana yenidən xəbərdarlıqlar göndərib və Azərbaycanın mütləq suveren hüquqlarının bərpası üçün təlimatları çatdırıb.

Rusiya-Ukrayna müharibəsi Ermənistan üçün də yeni sınaq təqdim edir, Paşinyan bu sınaqdan üzüağ çıxmaq üçün revanşizmi alovlandırmağı yox, sülh sazişi imzalamaq yolunu seçməlidir.

Ancaq Paşinyan o qədər ikibaşlı oynayıb ki, istər-istəməz motivi sual şəklində qoymaq zərurəti də yaranır: Paşinyan yola gəlirmi?

Aqşin Kərimov Kafkassam

İlgili Yazılar

Bir cevap yazın

E-posta hesabınız yayımlanmayacak.