– Putinin Bakı proqramı gözlənilən regional müharibələr arası dövrdə Azərbaycanla Rusiyanın qarşılıqlı maraqlarını və qarşılıqlı ehtiyaclarını ağıllı formada yönləndirə bilmək üçün yeni müzakirələrə ehtiyac olduğunu göstərir,

– Putin Rusiya-Ukrayna müharibəsində Kursk döyüşləri fazasının əmələ gəldiyi dövrdə Azərbaycanla münasibətlərin vacibliyi, liderlər arasında şəxsi əlaqələrin əhəmiyyətini Kreml üçün yaranan taleyüklü problemlərin həllinə istiqamətləndirmək niyyətindədir,

– Putin mümkündür ki, qəlbinin dərinliklərində münaqişələrə yanaşmada ədalətli, mötədil, sülhpərvər yanaşma sərgiləyən Azərbaycan lideri İlham Əliyevin həll variantlarını dinləmək ehtiyacını hiss edir,

– Çin-Tayvan münaqişəsində yaranmış yeni gərgin situasiya, Rusiya-Ukrayna müharibəsindəki qaynayan Kursk qazanı, konfliktlərin Yaxın Şərq cinahındakı həyəcanlar Azərbaycan-Ermənistan münasibətlərinə baxışda tendensiyaları sürətləndirir,

– Putinin səfərindən öncə Ermənistanın Naxçıvan istiqamətində təxribatlar törətməsi, Qərb institutlarının Azərbaycanda hakimiyyətə qarşı yeni dalğa yaratmaq haqqındakı informasiyalar diqqət çəkir,

– Əliyev-Putin danışıqları payızda Gürcüstanda keçiriləcək parlament seçkiləri fonunda, regionda Qərb-Rusiya gərginləşəcəyi təqdirdə, Azərbaycanın və Moskvanın ikitərəfli münasibətlərdəki mövqelərinin dəqiqləşdirilməsini əhatə edir,

– Azərbaycanın strateji maraqları qat-qat konkret və geosiyasi cəhətdən daha əsaslandırılmış olduğundan İlham Əliyev mövqeyini bu tendensiyaya nəzərən diqqətə çatdıracaq,

– Cənubi Qafqazda İran-İsrail qarşıdurmasının hansı təsirlər yaradacağı Əliyevlə Putinin müzakirə masasında danışılacaq,

– Nəhayət, Rusiya Ukrayna müharibəsində üzləşdiyi çətinliklərin əvəzini Qərbdən çıxmaq istəyir. Cənubi Qafqaz da Rusiyanın Qərbə qarşı revanş məqsədlərini izah edən regiondur, bu mənada Putinin Bakı səfərinin çox dərin mətləbləri var…

Hələlik bu qədər…..

Aqşin Kərimov