KAFKASSAM – Kafkasya Stratejik Araştırmalar Merkezi

  1. Anasayfa
  2. »
  3. Ermenistan
  4. »
  5. Վատ նորություն հայ միգրանտների համար

Վատ նորություն հայ միգրանտների համար

Kafkassam Editör Kafkassam Editör - - 2 dk okuma süresi
363 0

Սեպտեմբերի 1-ից ընտանեկան նպաստի համակարգում ընդգրկված քաղաքացիները պարտավոր են սոցիալական ծառայության համապատասխան ստորաբաժանում ներկայացնել ընտանիքի բացակա անդամի գտնվելու վայրի մասին տեղեկանք:
Այս կարգը մտցվել է պարզելու համար, թե արդյոք նպաստ ստացող ընտանիքի անդամներից որեւէ մեկը մեկնել է արտագնա աշխատանքի, եւ նպաստ ստացող ընտանիքն ինչ եկամուտ է ստանում:
Սահմանված կարգի համաձայն, ընտանիքի այդ անդամի բացակայության 3-րդ ամսում ընտանիքի անդամների կողմից պետք է պարտադիր դիմում ներկայացվի, թե որքան է կազմում արտերկրից ուղարկվող եկամուտը:
Հայաստանից արտագնա աշխատանքի մեկնողների թիվը հարյուր հազարների է հասնում, նրանք գերակշիռ մասով սոցիալապես անապահով ընտանիքներից են:
Հայաստանում սոցիալ-տնտեսական ու ֆինանսական ծանր վիճակ է, կառավարությունն ընդունակ չէ փոխել որեւէ բան, եւ ցանկություն էլ չկա: Փոխարենը, տարբեր նախաձեռնություններով փորձում են միջոցներ «քերել»՝ մի կողմից բյուջե լցնելու, մյուս կողմից սոցիալական պարտավորություններից ազատվելու համար: Սա նման հերթական որոշումն է:
Ավելորդ է ասել, որ սա կարող է խթանել արտագաղթը, եւ արտագնա աշխատանքի մեկնածները տանեն նաեւ իրենց ընտանիքները, առավել եւս, որ Ռուսաստանում, ուր հիմնականում մեկնում են աշխատելու, նվազել է թե աշխատանքի, թե վարձատրության ծավալը:
Հայաստանում չկա արտագնա աշխատանքի ուղղությամբ քաղաքականություն, ինչպես տարբեր երկրներում, որտեղ կարգավորվում են նման իրավիճակները, եւ պետությունը որոշակի եկամուտ է ստանում:
Հայաստանում ոչ միայն չկա նման քաղաքականություն, այլեւ ամեն ինչ արվում է հակառակ ծայրից, որի հետեւանքով կարող են նվազել նաեւ այն ներհոսքերը, որոնց շնորհիվ քիչ թե շատ ապահովվում է բնակչության գնողականությունն ու սպառողական շուկան:

http://www.lragir.am/index/arm/0/society/view/159902

İlgili Yazılar

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir