KAFKASSAM – Kafkasya Stratejik Araştırmalar Merkezi

  1. Anasayfa
  2. »
  3. Gündem
  4. »
  5. Մոսկվան կկտրի՞ Անկարա-Բաքու կապը

Մոսկվան կկտրի՞ Անկարա-Բաքու կապը

Kafkassam Editör Kafkassam Editör - - 3 dk okuma süresi
338 0

ՌԴ պաշտպանության նախարար Սերգեյ Շոյգուն հեռախոսազրույց է ունեցել Հայաստանի և Ադրբեջանի պաշտպանության նախարարների հետ: Շոյգուն կոչ է արել անհապաղ իրագործել հրադադարի վերաբերյալ մոսկովյան եռակողմ պայմանավորվածությունը:

ՌԴ պաշտպանության նախարարի կոչը կունենա՞ որևէ ազդեցություն Հասանովի և Ալիևի վրա: Այս հարցը առավել քան սուր է դառնում՝ հաշվի առնելով այն, որ Բաքուն հոկտեմբերի 14-ին թիրախավորել է Հայաստանի տարածքում մարտական հերթապահություն իրականացնող զինտեխնիկա՝ իբրև թե Ադրբեջանի բնակավայրերին պատրաստվող հարված կանխելու համար: Այսինքն՝ Բաքուն ոչ միայն չի դադարեցնում գրոհները Արցախի ուղղությամբ, այլև գործնականում թիրախավորում է Հայաստանի տարածքում մարտական հերթապահություն իրականացնող ռազմական տեխնիկա: Եվ սա փաստորեն՝ Շոյգուի հեռախոսազրույցի ֆոնին: Հետևաբար ևս մեկ անգամ առկա է հարցը՝ Շոյգուի խոսքը ունենալո՞ւ է որևէ ազդեցություն Բաքվի համար, որը ներկայումս ամբողջությամբ գտնվում է Անկարայի խոսքի ներքո:

Միևնույն ժամանակ, ՌԴ պաշտպանության նախարարը հոկտեմբերի 12-ին խոսել էր հենց Թուրքիայի պաշտպանության նախարարի հետ: Ռուսական կողմը նշել էր, որ Շոյգուն Աքարի հետ զրույցում մտահոգություն է հայտնել ահաբեկիչների ներգրավման կապակցությամբ: Թուրքական կողմի հաղորդագրությամբ՝ Աքարը հայտնել է Ադրբեջանին մինչև վերջ սատարելու մասին: Դրանից հետո ՌԴ ՊՆ-ն հայտնում է, որ Շոյգուն հեռախոսազրույց է ունեցել Հայաստանի և Ադրբեջանի պաշտպանության նախարարների հետ:

Առերևույթ պարիտետային հաղորդագրությունը դե ֆակտո թերևս ամենևին նույնական չէ, այսինքն՝ Հայաստանի և Ադրբեջանի նախարարների հետ Շոյգուն հազիվ թե խոսել է նույն բանը: Կարո՞ղ է Մոսկվան լուծել իր գլխավոր խնդիրը այդ իմաստով՝ կտրել Բաքվին Անկարայից, այսպես ասած՝ խզել Բաքվի և Անկարայի միջև կապը և թելադրել իր քաղաքականությունն Ադրբեջանին: Եթե խաղի մեջ է մտել Շոյգուն, ապա պետք է ենթադրել, որ Մոսկվան սկսել է դիտարկել այդ հարցը լուծելու ընդհուպ կոշտ տարբերակներ:

Արամ Ամատունի

İlgili Yazılar

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir