Մեր զրուցակիցն է ԵԼՔ դաշինքի պատգամավոր Մանե Թանդիլյանը
Ինչպե՞ս եք պատկերացնում ԵԼՔ-ի աշխատանքը ԱԺ-ում։ Ունեք ընդամենը 9 մանդատ, իսկ ՀՀԿ-ն բացարձակ մեծամասնություն է հավաքել: Ընդհանրապես ինչպե՞ս եք գնահատում այն փաստը, որ ՀՀԿ-ի գերիշխանությունը բացահայտ է, ի՞նչ պետք է անել փոփոխությունների հասնելու համար:
Ես պատկերացնում եմ, որ մենք պետք է աշխատենք ժողովրդի և պետության շահերից ելնելով, և դա պետք է տեսանելի լինի մարդկանց: Մեր աշխատանքով մենք պետք է փոշմանել տանք բոլոր նրանց, ովքեր ՀՀԿ-ին ձայն են տվել՝ այս կամ այն պատճառով, և արդեն 2022-ին, ունենալով ավելի մեծ ճանաչելիություն և քաղաքական անբասիր հետագիծ, պահելով յուրաքանչյուր քվե, ընտրությունների միջոցով կառաջնորդենք իշխանափոխությունը՝ ստանալով քաղաքացիների վստահության քվեն:
Ոմանք հարց են բարձրացնում մանդատները վայր դնելու հետ կապված: Ինչպե՞ս եք գնահատում:
Կառաջարկեի ոմանց գնալ զրուցել 122 հազար 49 մարդու հետ և ճշտել իրենց գնահատականը ոմանց առաջարկին:
Արմեն Մարտիրոսյանն ասել է, որ ԱԺ-ում ընդդիմության դերը կարող է ստանձնել «Ծառուկյան» դաշինքը: ԵԼՔ-ին էլ ըստ էության համարել է իշխանությունից աջակցություն ստացած: Ինչ պետք է անել այս մտայնությունը վերացնելու համար:
Եվ նորից հարցն ուղղեք եթե ոչ 122,049 մարդու, ապա անհատապես ինձ իրենց թանկագին քվեն վստահած 5110 քաղաքացու, թե ինչ կարծիքի են Արմեն Մարտիրոսյանի հայտարարության մասին: Իսկ ես ընդամենը կարող եմ իրեն մաղթել առողջություն և երկար տարիների կյանք: Իմ ընտրողը ինձնից քաղաքական բամբասանքների մեկնաբանություն չէ, որ ակնկալում է:
Ո՞ր հանձնաժողովում կցանկանաք աշխատել:
Ես ինձ տեսնում եմ տարբեր հանձնաժողովներում, որոնք ենթադրում են թե իմ բազային գիտելիքների օգտագործում, թե ինձ համար առաջնահերթություն հանդիսացող ոլորտներ: Դրանք ներառում են, բայց չեն սահմանափակվում տնտեսական, արտաքին քաղաքականության, պաշտպանության, կրթական, սոցիալական ոլորտները:
ՍԻՐԱՆՈՒՅՇ ՊԱՊՅԱՆ
- Anasayfa
- »
- Ermenistan
- »
- Մենք պետք է փոշմանել տանք բոլոր նրանց, ովքեր ՀՀԿ-ին ձայն են տվել
Մենք պետք է փոշմանել տանք բոլոր նրանց, ովքեր ՀՀԿ-ին ձայն են տվել
445 0
Kafkassam Editör
Yeni bir dünyaya uyanmak, dünyayı yeniden okumak isteyenler için, söylenecek sözü olanlar için merkezi Ankara’da olan KAFKASSAM’ı kurduk. Erivan, Bakü, Tiflis, Tebriz, Grozni, Moskova, Mahaçkale, Nazrin, Nalçik, Saratov, Ufa ve Sochi’de ofislerimiz temsilcilerimiz var. Kafkassam genelde kafkasya çalışmak için kuruldu Kafkasya genelinde çalışır. Ermenice Rusça Gürcüce İngilizce dillerinde yayın yapan kafkassam genç akademisyen ve stratejistlerle çalışmaya özen gösterir. KAFKASSAM’ın internet sitesi 2 Ocak 2010’da yayına girdi. İnternet sitesinde Kafkasya’daki ülkeler ve Türkiye ile ilişkileri hakkında makaleler, ropörtajlar, analizler ve yorumlara yer verilmektedir.