Թարմ ուղեղով՝ դառը սուրճի հետ
Մենք մեր սխալները, բացթողումներն ու հանցանքները հաճախ փնտրում ենք դրսում:
Ռուսներն են մեղավոր, թուրքերն են մեղավոր, ադրբեջանցիներն են մեղավոր, աշխարհն է մեղավոր:
Հայաստանի բնակավայրեր իմ բազմաթիվ այցելությունների ընթացքում տեսանելի են մի քանի մտահոգիչ երևույթներ ու միտումներ, որոնցում ոչ ռուսներն են մեղավոր, ոչ թուրքերն ու ադրբեջանցինը և ոչ աշխարհը.
ա/ Հայաստանի գյուղերը, հատկապես սահմանային, շարունակում են ծերանալ ու հանգչել,
բ/ ահռելի մեծ չափերի է հասել ամուսնանալ չցանկացող երիտասարդների թվաքանակը,
գ/ ձգտումը մեծ է սահմանային գյուղերից տեղափոխվել շրջկենտրոն, Երևան կամ արտասահաման՝ նայած հնարավորությունների:
Սա, անշուշտ, ուսումնասիրության թեմա է, թե ինչու է այսպես:
Սա նոր երևույթ չէ, անշուշտ, սա անգամ խորհրդային շրջանի վերջին տարիների միտում է:
