Дагестан.
Махачкала.
Кумыкский посёлок Тарки ( бывшая столица Тарковского шамхальства)
2020-нчы йылда Дагъыстанда, Къумукъ Эль де, суратгезевлерде эдим ( июльню ахырынчы гюнлеринден сентябрь айны орталарына ерли ).
Биринчи гюн ( 27-нчи июльда) Махачкъалагъа Санкт-Петербургдан автобус булан гелип, яяв суратгеземе чыкъдым.
Гезев ёлум – Альбурикент, Кяхулай, Таргъу – Таргъу-Тав эди.
Таргъуда 2017-нчи йылда суратгезевде юртну ортасына ерли етишгеним.
Бу гезик къалгъан гезев ёлну да суратлама бажарылды.
Таргъудан Таргъу-Тавгъа минип ярланы ягъасы булан юрюп къумукъ юртланы ( Таргъу, Кяхулай, Альбурикент) , Махачкъаланы ва Каспий денгизни суратлап.
Шу суратгезевню Таргъулу къумукъ шаир Шейит-Ханум Алишавагъа багъышлама сюемен ва ону ата юртунуна ( Таргъугъа) багъышлангъан шиърусун эсге аламан.
————-
———————-
————
АТА ЮРТУМ
Тавну уьстюн агъачлыкълар безеген,
Юртубузну къуршап алгъан емиш-бав.
Ялан аякъ яшлыгъымны гезеген
Ата бртум – Таргъу булан гёзел тав.
Ана йимик къучагъында аявлап,
Гьайлек йырлы сени булакъ башларынг,
Къартлыгъынгны къадав къагъып, таявлап,
Оьсдюргенсен мендей нече яшларынг.
Яшлыкъ булан яшыл хара гийдирип,
Билим алма ёлгъа салдынг сен мени.
Яш юрекге сююв учгъун тийдирип,
Сюйгенимдей, гиччиден сюйдюм сени.
Мен борчлуман сени макътап йырлама,
Оьктем халкъым, асругъа къойгъан гьызын.
Таргъу юртум, янгы яшав къурагъан,
Бу гюн сагъа баш иге – сени къызынг!
( 37-нчи бет)
/ Шейит-Ханум Алишева. Гьасирет-наме. 11 том. – Махачкала, ГУП “Республиканская газетно-журнальная типография”, 2008. – 424 с. /
