KAFKASSAM – Kafkasya Stratejik Araştırmalar Merkezi

  1. Anasayfa
  2. »
  3. Ermenistan
  4. »
  5. Վարդան Բոստանջյան: Հայաստանը ճիշտ չի օգտագործում իր արտաքին պարտքը,

Վարդան Բոստանջյան: Հայաստանը ճիշտ չի օգտագործում իր արտաքին պարտքը,

Kafkassam Editör Kafkassam Editör - - 3 dk okuma süresi
490 0

Հայաստանը ճիշտ չի օգտագործում իր արտաքին պարտքը, միտումները ցույց են տալիս, որ այն կհասնի 10 միլիարդի.

Հայաստանն իր արտաքին պարտքն ավելացնելով չի կարող իրավիճակից շահած դուրս գալ: Այս մասին ասուլիսի ընթացքում ասաց տնտեսագետ Վարդան Բոստանջյանը:

«Տարվա վերջում պարտքը լինելու է 9 միլիարդ դոլար, իսկ միտումները ցույց են տալիս՝ կհասնի 10 միլիարդի: Պարտք կատեգորիան այդքան վատ բան չէ, այդ ռեսուրսը, եթե գտնվում է խելքը գլխին պետության ձեռքում, պետությունն այդ գումարը ներդնում է շատ ճիշտ ոլորտների մեջ, ստեղծում է նոր աշխատատեղեր, ներդնում տնտեսության արդիական ուղղություններում, ներդնում կապիտալ ծախսերի ոլորտում, որի պարագայում պետությունն իրավիճակից դուրս է գալիս եկամուտով, բայց մեր պարագայում իրավիճակն այլ է»,- ասաց տնտեսագետը։

Վարդան Բոստանջյանը նշեց, որ տնտեսական խնդիրներն առաջանում են կառավարական համակարգ ունենալու հետևանքով: «Պետք է ունենալ համակարգ, ոչ թե լիդեր: Պետք է ստեղծել կառավարական համակարգ և համապատասխան մոտեցումներ: Եթե տնտեսական տեսանկյունից դիտարկենք միջազգային ֆինանսական կազմակերպություններն ունեն հստակ շահեր, որոնք հետապնդում են, իսկ մեր առաջին քայլը՝ պետք է ձերբազատվենք պարտքային ինստիտուտ հասկացությունից, այն ճիշտ համակարգով չի աշխատում Հայաստանում»,- ասաց բանախոսը:

Վարդան Բոստանջյանի հավաստիացմամբ՝ Նիկոլ Փաշինյանը ֆինանսական խնդիրները քողարկում է «նախկինները ձեզ թալանել են» նախադասության տակ։

«Իշխանությունը առաջնորդվում է մի սկզբունքով, այսպիսի մի միտք է առաջ քաշում, օրինակ՝ ձեզ թալանել են նախկինները, բայց երբ կանգնես Նիկոլի առաջ ու հարցնես՝ դու ո՞վ ես, որ քեզ թալանեն, դու սկի քո դիմացի բակի ծառը չես ջրել: Ես զարմանում եմ այն զանգվածի վրա, որը հավատում է Փաշինյանին: Մեր կասկածանքներին, հարցերին ոչինչ չի պատասխանում: Նա ունի մանկուց եկած բարդույթներ, նա չարացած է, նա ուզում է վրեժ հանել բոլորից»,- ասաց Վարդան Բոստանջյանը:

kafkassam Erivan

İlgili Yazılar

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir