Ukrayna’da, Poroşenko devlet başkanlığı koltuğunu kaybetti

ZELENSKİNİN DAXİLİ VƏ XARİCİ SİYASƏTİ NECƏ OLACAQ?

Sri Lanka’da terör Kimin işi

Birleşik Arap Emirlikleri’nde ilk Hindu tapınağının temel atma töreni düzenleniyor

Սիրիան կարող է վերածվել Իսրայելի և Իրանի միջև ռազմական գործողությունների թատերաբեմի

Gündem, İran 23 Ocak 2019
16

Իսրայելը հունվարի 20-ի լույս 21-ի գիշերը հերթական անգամ հրթիռակոծել է Դամասկոսի միջազգային օդանավակայանի մերձակայքում գտնվող իրանական ռազմական օբյեկտները` վնաս հասցնելով նաև օդանավակայանի ենթակառուցվածքին: Ավիահարվածների արդյունքում եղել են զոհեր` այդ թվում սիրիական բանակի զինծառայողներ:

Իսրայելն արդեն ավելի քան երկու տարի է Սիրիայի տարածքում Իրանի դեմ ռազմական գործողություններ է իրականացնում, սակայն սովորաբար այդ մասին նախընտրում էր չխոսել: Վերջին շրջանում իսրայելական կողմը հաստատում է Սիրիայում իրանական թիրախներին հասցված հարվածները:

Սա թերևս կարող է նշանակել, որ Իսրայելը նախատեսում է Սիրիայում ակտիվացնել պայքարն Իրանի դեմ: Ամերիկյան զորքերի դուրսբերումը Սիրիայից նշանակում է, որ հակամարտության կարգավորումից հետո Սիրիան, ըստ էության, բաժանվելու է ազդեցության երեք գոտիների` Ռուսաստանի, Իրանի և Թուրքիայի. ԱՄՆ-ն այժմ հավակնում է Թուրքիայի հետ «կիսելու» Սիրիայում վերջինիս ազդեցության գոտին:

Սա Իսրայելի համար դժվար է լավ լուր անվանել. Սիրիայում ամրապնդվում է Իրանի` հրեական պետության տարածաշրջանային գլխավոր հակառակորդի ազդեցությունը: Թել-Ավիվին նախորդ տարի հաջողվեց Մոսկվայի միջնորդությամբ հասնել նրան, որ Իրանը հեռանա սիրիա-իսրայելական սահմանից, սակայն վերջինիս դժվար հաջողվի միայն դիվանագիտական միջոցներով հասնել իրանական դիրքերը նաև Լիբանանի հետ սահմանից հանելուն:

Սիրիայում Իրանի ազդեցության գոտու ամրագրումը Թել-Ավիվի համար նշանակում է, որ իրանական ազդեցությունը տարածաշրջանում ավելի է մեծանալու, և իսրայելական իշխանություններին հարկավոր է դրա դեմ քայլեր ձեռնարկել: Այս համատեքստում հետաքրքիր է, որ Իսրայելը որոշել է ակտիվացնել տարածաշրջանում Իրանի ազդեցության դեմ պայքարը ոչ միայն Սիրիայում, այլ նաև Լիբանանում` վերջնիս հետ սահմանին ռազմական գործողություն իրականացնելով Իրանի կողմից հովանավորվող շիական «Հզբոլլահ» շարժման դեմ:

Միևնույն ժամանակ պետք է նկատել, որ ԱՄՆ-ն ամբողջովին աջակցում է Սիրիայում Իսրայելի հակաիրանական պայքարը: Ավելին, Վաշինգտոնը քայլեր է ձեռնարկում Իրանի դեմ գլոբալ կոալիցիա ձևավորելու ուղղությամբ: Վերջինիս հաջողության դեպքում չի բացառվում, որ Սիրիայում Իսրայելը ոչ թե հաճախակիացնի Իրանի դիրքերին հարվածների պարբերականությունը, այլ լայնամասշտաբ գործողություն սկսի Սիրիան իրանական ազդեցությունից «ազատագրելու» ուղղությամբ:

Հասմիկ Վարդանյան

На русском

Yorumlar