Küresel Analiz Topluluğu Soğuk savaş sonrası Kafkaslarda rusya türkiye rekabeti konulu bir toplantı düzenlendi

Rusya Uydu kullanmayan yeni bir navigasyon sistemi geliştiriyor

Այդ ում եք հավաքել. ապտակ Զատուլինին

Amerika’da başkanlık seçimleri

Ռուս-թուրքական հաշտեցումը տարածաշրջանում փոփոխություններ կբերի, իսկ ԼՂ խնդիրն առավել շատ կքննարկվի. թուրք դոկտոր


Թուրքիայում Կովկասի ռազմավարական կենտրոնի ղեկավար, դոկտոր Հասան Օկտայը վստահ է, որ Ռուսաստանի և Թուրքիայի նախագահների միջև հանդիպումները շարունակական բնույթ են կրելու և նշանակալի զարգացումներ են ունենալու: Tert.am-ի հետ զրույցում նա նշեց, որ այդ հանդիպումների ֆոնին ավելանալու են նաև Հայաստանի և Ռուսաստանի նախագահների հանդիպումները, ԼՂ հիմնախնդիրն էլ ունենալու է խաղաղ լուծում:

«Ռուսաստանը և Թուրքիան գրեթե պատերազմի շեմին էին 2015 թվականի նոյեմբերի 24-ից հետո, երբ Թուրքիան խոցեց ռուսական ուղղաթիռը»,-Հասան Օկտայը վերհիշեց մինչ օգոստոսի 9-ը՝ Էրդողանի և Պուտինի հանդիպումը ռուս-թուրքական հարաբերություններում առկա լարվածության պատճառները:

Նա նշեց, որ մյուս կողմից Թուրքիան չի համարվել Ռուսաստանի աջակից, քանի որ Ուկրաինայի ճգնաժամի ժամանակ լռություն էր պահպանել: Օկտայը նկատեց, որ Արևմուտքը Թուրքիայի կարիքն ունի, որպեսզի Ռուսաստանի հետ հակամարտությունում հաղթի:

«Ինչևէ, Թուրքիան միշտ էլ ճնշվել և սպառնալիքների է արժանացել ԵՄ-ի և ԱՄՆ-ի կողմից: Դրա արդյունքում Էրդողանն ունեցել է դժվարություններ միջազգային ճնշման և իր դեմ հրապարակված բացասական հրապարակումների ազդեցության պատճառով»,- ասաց նա՝ նշելով, որ Արևմուտքը միշտ էլ նպատակ է ունեցել, որ Էրդողանը և Պուտինը մշտական պայքարի մեջ լինեն, որպեսզի երկուսից էլ ազատվի:

«Սակայն նրանք հուլիսի 15-ից հետո հաշտվեցին: Երկու առաջնորդները հանդիպեցին Սանկտ Պետերբուրգում: Երկու երկրներն էլ հաշվի են առել, որ ռազմական հեղաշրջման փորձը կազմակերպված է եղել ԱՄՆ-ի կողմից»,-ասաց նա։

Վերջին զարգացումները՝ Թուրքիայում հեղաշրջման փորձը և ռուս-թուրքական հարաբերությունների բարելավումը, ըստ թուրք դոկտորի, տարածաշրջանում փոփոխություններ են բերելու։

«Հատկապես Ռուսաստանը վերանայեց իր հարաբերությունները հարևանների հետ, որպեսզի կանխի իր դեմ ԵՄ-ի և ԱՄՆ-ի փորձերը: Այս առումով, Թուրքիայի, Ռուսաստանի, Իրանի և Ադրբեջանի հանդիպումները կլինեն աշխարհի քաղաքականության օրակարգում»,-ասաց նա:

Նա նշեց, որ հարաբերությունների բարելավումից հետո Թուրքիան և Ռուսաստանը Սիրիայի հարցում կարճ ժամանակահատվածով համաձայնության կգան։

«Որպես արդյունք՝ Սիրիայում հակամարտող կուսակցությունները, հնարավոր է՝ հրադադար կնքեն»,-ասաց նա:

Հասան Օկտայը աշխարհաքաղաքական զարգացում համարեց Թուրքիայի, Ռուսաստանի և Իրանի միջև զարգացող միությունը, որը կարող է ունենալ ընդհանուր քաղաքականություն՝ պայքարելու ԵՄ-ի և ԱՄՆ-ի դեմ, «որպեսզի կայունություն ստեղծվի Մերձավոր Արևելքում»:

«Թուրքիան տարածաշրջանում խաղաղություն է բերելու՝ փոփոխելով իր քաղաքականությունը Սիրիայում: Այս առումով Թուրքիայի, Իրանի և Ռուսաստանի հանդիպումները կշարունակվեն: Զուգահեռ սրան, հանդիպումները կշարունակվեն Հարավային Կովկասում խաղաղության հասնելու համար»,-ասաց նա։

Նա նաև միմյանց հետ կապված տարածաշրջանային զարգացումներ համարեց հուլիսին Թուրքիայում և Հայաստանում տեղի ունեցած իրադարձությունները։ Նրա խոսքով՝ Հռոմի պապի՝ Հայաստան այցից հետո Ռուսաստանի դեմ արված փորձերն ավելացել են, և Արևմուտքը նպատակ ունի Հայաստանին հանելու Ռուսաստանի դեմ ուկրաինական ճգնաժամի համատեքստում։

Հարցին, թե ինչ է կարծում Թուրքիայի արտաքին գործերի նախարար Մևլութ Չավուշօղլուի հայտարարության մասին, ըստ որի՝ Ռուսաստանը ցանկանում է Ղարաբաղի հիմնախնդիրը քննարկել Թուրքիայի հետ, Օկտայը պատասխանեց. «Ղարաբաղի հիմնախնդիրը կարող է վերածվել պատերազմի, որը կարող է վնասել Ռուսաստանի ներքին և արտաքին անվտանգությունը: Հռոմի պապի այցից հետո Ռուսաստանի դեմ մեծացող բացասական վերաբերմունքը և Երևանում զինված ճգնաժամը ապացուցեցին, որ տարածաշրջանում կան լուրջ խնդիրներ: Իրանի, Թուրքիայի, Ռուսաստանի և Ադրբեջանի նախագահների, Հայաստանի և Ռուսաստանի նախագահների հանդիպումներից հետո Ղարաբաղի կոնֆլիկտը առավել շատ կբանակցվի: Սարգսյանի հետ հանդիպման ժամանակ Պուտինի հայտարարության համաձայն՝ հիմնախնդրի լուծումը կլինի և՛ Ադրբեջանի, և՛ Հայաստանի օգտին: Եթե դրան չհասնեն, Ռուսաստանն իր խաղաղապահ ուժերը կկենտրոնացնի Ղարաբաղում»,-ասաց նա՝ նշելով, որ առաջիկայում Ղարաբաղի խաղաղության հարցն առավել շատ կքննարկվի Թուրքիայի, Ռուսաստանի, Ադրբեջանի և Ռուսաստանի հանդիպումների ժամանակ:

Թուրք դոկտորը նկատեց, որ կապված տարածաշրջանային փոփոխությունների հետ, պայմանավորված ձևավորվող նոր միություններով՝ Հայաստանում կլինեն հուզումներ՝ կարճ ժամանակով։

«Բայց Հայաստանն ի վիճակի է հաղթահարել կարճ ժամանակամիջոցում եղած դժվարությունները»,-ասաց նա:
http://www.tert.am/am/news/2016/08/12/oktay/2103619

Yorumlar