Սոչիի եռակողմ թատրոնից հետո հայաստանյան ռուսանպաստ քաղաքական-մեդիա շրջանակների արձագանքներում ու մեկնաբանություններում Ռուսաստանը եւ Պուտինը չկան։ Ոչինչ, որ Պուտինը կրկին հաստատեց ՌԴ առաջնորդող ու շահագրգիռ դերը, տվյալ պարագայում պնդելով միջանցքներն ու սահմանազատումը եւ ներկայացնելով դրա «այլընտրանքը» պատանդների եւ ռազմական բախումների տեսքով։
«Սահմանազատման» հետեւանքներն այս շրջանակներն, ի դեպ, բավական համարժեք նկարագրում են։ Միեւնույն ժամանակ, այդ նկարագրություններն արվում են ՌԴ-ին այդ գործընթացից «անջատելու» եւ արդարացնելու հստակ ուղղվածությամբ։
Մոսկվայից կառավարվող քարոզչական հերթական փուլը ռուսական, բաքվի մամուլում եւ հայկական մամուլի ռուսանպաստ հատվածում ՌԴ անցյալի, ներկայի եւ ամենակարեւորը՝ ապագա գործողությունների արդարացման ընդգծված ուղղվածություն ունի։ Գործողություններ, որոնք ուղղված են հայկական պետականության վերացմանը։
