ABŞ-ın Türkiyəyə hücumunun ŞİFRƏLƏRİ: Qalib kim olacaq?

Fas’taki Fetöcüler PKKlılar IŞİDci Türkler ve Türk mafyası!

Armenian prime minister wants face-to-face meeting with Trump – Washington Free Beacon

ROBERT KÖÇƏRYAN SİYASƏTƏ HANSI GÜCLƏ QAYIDIR?

Պուտինը շտապում է Թուրքիա

Gündem 23 Mart 2018
70


ԱՄՆ-ն Թուրքիային Պետրիոտ կառաջարկի Ս-400-ի փոխարեն
Վերընտրվելուց հետո Ռուսաստանի նախագահ Վլադիմիր Պուտինն իր առաջին օտարերկրյա այցը կկատարի ապրիլի 3-ին` Թուրքիա: Նշվում է, որ Պուտինն ու Էրդողանը ներկա են լինելու Աքքույուի ատոմակայանի հիմնարկեքի արարողությանը, ինչպես նաեւ քննարկելու են երկկողմ հարաբերությունները:
Հարցերից մեկն է լինելու Թուրքիայի կողմից ռուսական Ս-400 համալիրների գնումը: ԱՄՆ-ն ու ՆԱՏՕ-ն Թուրքիային «խորհուրդ չեն տվել» ռուսական զենք գնել՝ ակնարկելով պատժամիջոցները: ԱՄՆ-ն, ինչպես հայտնի է, վերջերս օրենք է ընդունել, որի համաձայն ռուսական զենք գնողները կարող են պատժամիջոցների տակ հայտնվել:
Թուրքիայի ղեկավարությունը հայտարարել է, որ չի վախենում պատժամիջոցներից, եւ մեղավորն ԱՄՆ-ն է, որը հրաժարվում է Թուրքիային ՀՕՊ համակարգեր վաճառել:
ԱՄՆ-ն ըստ երեւույթին որոշել է Թուրքիային առաջարկություն անել. ամերիկացի դիվանագետ Թինա Կայդանովը մարտի 31-ին Թուրքիա կատարելիք այցի ժամանակ Թուրքիային կառաջարկի Պետրիոտ հրթիռներ գնել: Այս մասին հայտնում է թուրքական Սաբահ թերթը:
Վերլուծաբանները նշում են, որ հաշվի առնելով ռուսական զենք գնելու սպառնալիքները՝ ԱՄՆ Կոնգրեսը կարող է հեշտությամբ հաստատել Թուրքիային Պետրիոտ վաճառելու գործարքը:
Ամեն դեպքում, Թուրքիան հզոր ՀՕՊ կստանա՝ ռուսական, թե ամերիկյան: Դրա հետ միասին կբարձրացնի իր դերը ռուս-ամերիկյան հարաբերություններում:
ԱՄՆ-ն, ըստ երեւույթին, փորձում է թույլ չտալ ռուս-թուրքական դաշինք: ԱՄՆ իշխանությունները Թուրքիայի նախագահ Էրդողանի 15 թիկնապահներից 11-ի վրայից հանել են մեղադրանքները, որոնք 2017 թվականի մայիսին Վաշինգտոնում հարձակվել են քրդերի, հույների ու հայերի վրա:
Ամերիկա-թուրքական դիմակայությունը շարունակվում է Սիրիայում: ԱՄՆ-ն հերքել է Թուրքիայի արտաքին գործերի նախարար Չավուշօղլուի հայտարարությունը, որ ԱՄՆ-ն իբր համաձայնվել է Թուրքիային թույլ տալ մտնել սիրիական Մանբիջ: Չավուշօղլուն, սակայն, հայտարարել է, որ խոսել է ոչ թե համաձայնության, այլ այս հարցում ԱՄՆ ու Թուրքիայի միջեւ «փոխըմբնռման» մասին:
ԱՄՆ-ն ինչպե՞ս կպահի իրեն Սիրիայում թուրքական զորքերի դեմ, որը հայտարարում է իրաքյան սահմանի ուղղությամբ շարժվելու մտադրության մասին:
Օրերս ՄԱԿ-ն անսպասելիորեն Թուրքիային կոչ է արել իր քրդաբնակ շրջաններում չեղյալ հայտարարել արտակարգ ռեժիմը: Վերլուծաբանները դա գնահատել են որպես «հակամարտությունը» տեղայնացնելու եւ Սիրիայից Թուրքիա տեղափոխելու փորձ: Պենտագոնի ղեկավար Ջեյմս Մեթիսը նշել է, որ Թուրքիան ՆԱՏՕ-ի միակ անդամն է, որտեղ ապստամբների շարժում կա:
Հիշեցնենք, որ մարտի 1-ին Հայաստանը չեղարկել է հայ-թուրքական արձանագրությունները: Դրանով հանդերձ, Սերժ Սարգսյանը հայտարարել է, որ նոր պայմաններում հայ-թուրքական հարաբերությունները պետք է կառուցվեն նոր հիմքի վրա:
Թուրքիայի արտաքին գործերի նախարարի տեղակալ Ահմեթ Յըլդըզը Բաքվում հայտարարել է, որ ցյուրիխյան արձանագրություններն ավելի շատ Հայաստանին են ձեռնտու, քան Թուրքիային: «Նրանց գործն է: Միեւնույն է, այս տարիներին նրանք ղարաբաղյան հակամարտությունը կարգավորելու ցանկություն ցույց չեն տվել: Դրանով նրանք եւս մեկ անգամ ցույց են տալիս իրենց դիրքորոշումը: Մենք առաջին հերթին ցանկանում ենք, որ նրանք զորքերը դուրս բերեն ադրբեջանական հողերից: Դա կլիներ հակամարտության լուծման բանալին: Սակայն նրանք չեն ցանկանում», ասել է նախարարի տեղակալը:

ՆԱԻՐԱ ՀԱՅՐՈՒՄՅԱՆ

Yorumlar