KAFKASSAM – Kafkasya Stratejik Araştırmalar Merkezi

  1. Anasayfa
  2. »
  3. Ermenistan
  4. »
  5. Հակոբ Բադալյան: Հայաստանում է ՌԴ ԱՀԾ տնօրեն Սերգեյ Նարիշկինը

Հակոբ Բադալյան: Հայաստանում է ՌԴ ԱՀԾ տնօրեն Սերգեյ Նարիշկինը

Kafkassam Editör Kafkassam Editör - - 2 dk okuma süresi
308 0

Հայաստանում է ՌԴ ԱՀԾ տնօրեն Սերգեյ Նարիշկինը, այլ կերպ ասած՝ ԱՄՆ հակահետախուզության ղեկավար Բըրնսի ռուսաստանցի գործընկերը:
Նարիշկինի այցի վերաբերյալ հնարավոր է անել վարկածային ամենատարբեր «իլյուստրացիաներ», ինչպես որ արվեցին Բըրնսի այցի վերաբերյալ:
Մեծ հաշվով, չկա զարմանալու ոչինչ, որ ԿՀՎ տնօրենի այցին հաջորդում է ռուսական հետախուզության ղեկավարի այցը Հայաստան: Պետք է հասկանալ, այդ այցերը հակադրությա՞ն, թե՞ համադրության տրամաբանության մեջ են: Իհարկե խոսքը չի վերաբերում շրջանակներին, որոնք համար՝ Բըրնսը եկել էր Հայաստանը փրկելու, իսկ Նարիշկինը եկել է կործանելու: Մարդ չգիտի էլ, թե էս դեպքերի համար ինչ սմայլիկ է ավելի հարմար:
Նարիշկինն իհարկե եկել է ցույց տալու, որ «տեղում» են: Սա հասկանալի է: Պատկերը դիտարկելու առումով ինքս կգնամ քիչ ավելի հեռու՝ 2018-ի հունվար: Այդ ժամանակ տարածվեց տեղեկություն, որ չհայտարարված այցերով Վաշինգտոն են մեկնել ՌԴ հատուկ ծառայությունների ղեկավարները եւ այնտեղ ունեցել հանդիպումներ: Իհարկե կա մտայնություն, որ դա «Թրամփի Ամերիկան» էր, որը «Պուտինի դրածոն» էր:
Սա իհարկե երկրպագութական, ոչ թե ամերիկագիտական կարծիք է: ԱՄՆ նախագահի անձը անշուշտ ունի էական նշանակություն, ինչպես ցանկացած անձ, բայց ԱՄՆ «ինստիտուցիոնալ հիշողության» հանգամանքը այդ երկիրը գերտերություն դարձրած ու պահող թերեւս առանցքային գործոններից մեկն է:
Ըստ այդմ, այսօր տեղի ունեցողը այս դրվագում դիտարկում եմ գնալով հետ դեպի 2018-ի հունվար: Այսօր բարդ է պատկերացնել նույնիսկ չհայտարարված այց Նահանգներ, ըստ այդմ կա թերեւս մի վարկածի դիտարկման նվազագույն հիմք՝ Հայաստանում ԱՄՆ եւ ՌԴ հետախուզությունների ղեկավարների անուղղակի «հանդիպում»: Սա գուցե լավատեսական սցենար է, բայց թերեւս չէր խանգարի աշխատել այդպիսի սցենարների ուղղությամբ էլ, քանի որ վատ սցենարներ կզարգանան նաեւ առանց մեր աշխատանքի էլ:

İlgili Yazılar

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir