Минская группа ОБСЕ выступила с заявлением по инциденту 29 декабря

Halil Akıncı: Kimse HTŞ’yi kontrol altına alamaz

Sinan’ın Mirat-ı Hakikat’inden:ELÇİYE BOZCAADA ŞARABI İKRAM EDİLİR

Aliya İzzet Begoviç’in sevmediği Adnan Oktar düşmanı İngiliz kadın istihbaratçı kim?

Զինված ուժերը քաղաքական հարցերում չեզոք են լինելու

Ermenistan 22 Mart 2021
17

Այսօր տարածվել է ՀՀ Զինված ուժերի Գլխավոր շտաբի պետ, գեներալ-լեյտենանտ Արտակ Դավթյանի ուղերձը, որում ասված է.
«44-օրյա հերոսական և անձնուրաց պատերազմից հետո մեր երկրի և Արցախի անվտանգության համակարգի վերագնահատման և ամրապնդման ուղղությամբ սկսված աշխատանքների շարունակականությունն ապահովելու, արտաքին սպառնալիքները չեզոքացնելու առումով ՀՀ զինված ուժերը կատարել և շարունակելու է կատարել իր առջև դրված խնդիրները։

Զինված ուժերի ղեկավար կազմի հայտնի հայտարարությունից հետո ստեղծված իրավիճակը հանգուցալուծվեց, իսկ առկա տարաձայնությունները տեղափոխվեցին իրավական դաշտ։

ՀՀ զինված ուժերը, ունենալով Կառավարության ենթակայության և քաղաքացիական վերահսկողության ներքո գտնվելու սահմանադրական կարգավիճակ, քաղաքական հարցերում պահպանելու է չեզոքություն՝ բացառապես առաջնորդվելով Հայաստանի Հանրապետության պաշտպանությունը, անվտանգությունը, տարածքային ամբողջականությունն ու սահմանների անձեռնմխելիությունն ապահովելու բացառիկ պարտականությամբ»։

Վարչապետ Նիկոլ Փաշինյանը ԶՈՒ գլխավոր շտաբի նորանշանակ պետ Արտակ Դավթյանին պաշտպանության նախարարության եւ Զինված ուժերի բարձրագույն սպայակազմին ներկայացրելիս ասել է, որ ժամանակները չափազանց ծանր են եւ խնդիրներն ավելի քան լուրջ:
«Խնդիր մեկ՝ պաշտպանել բանակը, պաշտպանել Զինված ուժերը եւ խնդիր երկու՝ այնպես անել, որ Զինված ուժերում տեղի ունենան անհրաժեշտ բարեփոխումներ, որոնք կուժեղացնեն առաջին հերթին Զինված ուժերը, Հայաստանի արտաքին անվտանգության պաշտպանվածության մակարդակը եւ իհարկե, մեր բոլորի վստահությունը Զինված ուժերի ու մեր անվտանգային համակարգի նկատմամբ»,- ասել է Նիկոլ Փաշինյանը:

Նա նշել է, որ պետք է սրբորեն պահպանել Զինված ուժերի ապաքաղաքական լինելու սկզբունքը:

«Զինված ուժերը դեպի թիկունք հայացք չպետք է ունենան ընդհանրապես, այլ բան, որ կան խնդիրներ, հարցեր, որ Զինված ուժերի բնականոն զարգացումը կառավարությունը պետք է ապահովի, մենք բոլորս պետք է ապահովենք, հատկապես այս իրավիճակում:

Զինված ուժերը, որնքան էլ մի քիչ տարօրինակ հնչի, պետք է պաշտպանված զգան, բայց, մյուս կողմից էլ, պիտի չխուսափենք բարձրացված հարցերին պատասխանելուց, որովհետեւ դա պետք է առաջին հերթին մեզ: Որոշակի հետեւություններ, իհարկե, պետք է արվեն, բայց այդ հետեւությունները չպետք է լինեն այնպիսին, ինչի վերաբերյալ, ցավոք, իմ համոզմամբ, հաջողվել էր մեր Զինված ուժերի մի շարք հարգելի ներկայացուցիչների համոզել»,- ասել է Նիկոլ Փաշինյանը:

Yorumlar
İlginizi Çekebilir