Körfəzdə yeni “tanker müharibəsi” başlayır?

Kurtları seven Rus işadamı, Türklerin desteği sayesinde internetin yıldızı oldu

AVRUPA KOMİSYONU BAŞKANININ MEŞRUİYETİNİ TARTIŞABİLİRİZ… AMA ŞİMDİ DEĞİL!

ABD yeni savunma sekreter vekili Mark Esper

Եթե Չինաստանը միանա հայկական նախագծերին. սենսացիա Պեկինում

Ermenistan 15 Mayıs 2019
22

Աշխատանքային այցով Չինաստանում գտնվող վարչապետ Նիկոլ Փաշինյանը հանդիպել է Չինաստանի նախագահ Սի Ծինփինին:

Հանդիպմանը Սի Ծինփինը հիշեցրել է հայ-չինական մշակութային ու պատմական հարաբերությունների մասին եւ ավելացրել, որ դրանք նույնպես Մետաքսի ճանապարհի շնորհիվ էին:

«Մենք հայ ժողովրդին լավ ենք ճանաչում, մեզ հայտնի են Արամ Խաչատրյանի, Արտեմ Միկոյանի, Հովհաննես Թումանյանի անունները: Մեզ միավորում են քաղաքակրթությունների համագործակցության ընդհանուր նպատակները: Մենք քաջածանոթ ենք Հայաստանի պատմական նշանակալի իրադարձություններին: Համոզված ենք, որ ապագայում պետք է բացառվեն հայ ժողովրդի հետ տեղի ունեցած ողբերգական դեպքերը»,- ասել է Սի Ծինփինը:

Նա ընդգծել է, որ Չինաստանը պատրաստ է մասնակցել Հյուսիս-հարավ ավտոմայրուղու կառուցման և այլ ենթակառուցվածքային ծրագրերի իրականացմանը:

Նիկոլ Փաշինյանը նշել է, որ Հայաստանը շահագրգռված է «Մեկ գոտի, մեկ ճանապարհ» նախաձեռնության շրջանակում Չինաստանի հետ համատեղ նախագծերի իրականացմամբ և հավելել, որ հայկական կողմը դիտարկում է մասնակցությունն ավտոտրանսպորտային, երկաթուղային, տեղեկատվական ենթակառուցվածքների ոլորտներում համատեղ ծրագրերի իրականացումը: Կողմերը պայմանավորվել են հետագա համագործակցության քայլերը քննարկել գերատեսչությունների մակարդակով:

Թերեւս, Նիկոլ Փաշինյանի վարչապետության 1 տարվա ընթացքում սա ամենակարեւոր այցն է: Այցի հաջողությունը հնարավոր կլինի չափել Հայաստանի ճանապարհաշինարարությունում չինական ներդրումների ծավալով, բայց քաղաքական էֆեկտն իրապես ցնցող է:

Չինաստանի առաջնորդը ոչ միայն հաստատել է իր երկրի շահագրգռվածությունը Հայաստանը Մետաքսի ճանապարում ներառելու հարցում, այլ նաեւ հիշեցրել է հայկական քաղաքակրթության մասին, որը խորն արմատներ ունի:

Հիշեցնենք, որ անցյալ տարի հայկական քաղաքակրթության մասին ապրիլի 24-ի ուղերձում նշել էր ԱՄՆ նախագահ Դոնալդ Թրամփը: Ճանաչված քաղաքակրթության առկայությունը հայ ժողովրդին ներառում է այն ազգերի ցանկում, որոնք բնիկ ժողովուրդների իրավունքով են օժտված:

Դժվար է ասել, թե Չինաստանն ինչ մասնակցություն կունենա Հայաստանի նախագծերում, առավել եւս, որ Հայաստանը պետք է օտարերկրյա ներդրումները համադրելի դարձնի իր չափերի հետ, որ էքսպանսիա թույլ չտա: Սրանք, սակայն, հարցեր են, որոնք կարելի է քննարկել ու պայմանավորվել:

Գլխավորը փոխադարձ շահագրգռվածությունն է նախագծերում, որոնք արդեն հռչակվել են ամենաբարձր մակարդակով:
ՆԱԻՐԱ ՀԱՅՐՈՒՄՅԱՆ

Yorumlar