KAFKASSAM – Kafkasya Stratejik Araştırmalar Merkezi

  1. Anasayfa
  2. »
  3. Gündem
  4. »
  5. Դմիտրի Տրենինի: Մոսկվան ստիպված էր համակերպվել Կովկասում Թուրքիայի դերի հետ

Դմիտրի Տրենինի: Մոսկվան ստիպված էր համակերպվել Կովկասում Թուրքիայի դերի հետ

Kafkassam Editör Kafkassam Editör - - 2 dk okuma süresi
294 0

Մոսկվայի Կարնեգի կենտրոնի տնօրեն Դմիտրի Տրենինի կարծիքով, Մոսկվան ստիպված էր համակերպվել Հարավային Կովկասում Թուրքիայի դերի եւ Ադրբեջանում նրա ռազմական ներկայության հետ:
«Ռազմավարական լանդշաֆտը Հարավային Կովկասում փոխվեց 2020 թվականին, երբ Ադրբեջանը հաղթեց Հայաստանին Լեռնային Ղարաբաղի երկրորդ պատերազմում: Ռուսաստանը ի վիճակի չէր կանխել բախումը. նա հեռու էր մնում ռազմական գործողություններից, սակայն կարողացավ կասեցնել դրանք հենց որ Ադրբեջանի հաղթանակը ակնհայտ դարձավ: Ռուսաստանը մասնակցել էր խաղաղության հաստատմանը, շփվելով երկու կողմերի հետ եւ, միավորելով նրանց բանակցությունների համար, իր զորքերը մտցրեց Ղարաբաղի տարածք», – գրում է Դմիտրի Տրենինը «Եվրոպան եւ Ռուսաստանը. Փակուղի, որտեղից հնարավոր է դուրս գալ» հոդվածում:
«Մոսկվան ստիպված էր համակերպվել Հարավային Կովկասում Թուրքիայի դերի եւ Ադրբեջանում նրա ռազմական ներկայության հետ: Ռուսաստանի դիրքերը նկատելիորեն տուժել են նաեւ Հայաստանում` ինչպես կառավարության կազմում արեւմտամետ քաղաքական գործիչների գերակշռության, այնպես էլ պատերազմում կրած պարտության պատճառով, որը տեղի ունեցավ չնայած այն հանգամանքին, որ Հայաստանը Ռուսաստանի ռազմական դաշնակիցն է: Եվրոպան բնավ չի աջակցում Ղարաբաղում Ռուսաստանի գերիշխող դերին եւ Հայաստանի վրա նրա ազդեցությանը, եւ շատ հավանական է, որ Միացյալ Նահանգները վիճարկի երկուսն էլ: Հայաստանում ներքաղաքական իրավիճակի անկայունությունը կնպաստի Ռուսաստանի եւ Արեւմուտքի առճակատմանը», – նշում է քաղաքագետը:

Մեդիամաքս

İlgili Yazılar

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir