ԱՄՆ նախագահ Դոնալդ Թրամփը շնորհավորել է Նիկոլ Փաշինյանին Հայաստանի վարչապետ ընտրվելու կապակցությամբ:
«Շնորհավորում եմ Ձեզ ընտրվելու կապակցությամբ: Ակնկալում եմ Ձեզ հետ աշխատել մեր երկու երկրների համար փոխադարձ հետաքրքրություն ներկայացնող բազմաթիվ ոլորտներում, ներառյալ առևտրային կապերի, ժողովրդավարական ինստիտուտների և տարածաշրջանային անվտանգության ամրապնդման ուղղությամբ: Կոռուպցիայի դեմ պայքարում առաջընթացը, բոլոր կուսակցությունների ջանքերը միավորելը և ղարաբաղյան հակամարտության խաղաղ լուծումը կնպաստեն այդ ջանքերին և կապահովեն Հայաստանի պայծառ ապագան», ասվում է ուղերձում:
Նիկոլ Փաշինյանն, այսպիսով, ստացավ երկու բան, որ Հայաստանի նախորդ ղեկավարները չունեին՝ ժողովրդի աջակցությունը եւ աշխարհի առաջին գերտերության ղեկավարի շնորհավորանքը:
Ընդ որում, իրավիճակը ուշագրավ է նրանով, որ Նիկոլն իշխանության եկավ ոչ թե ընտրությունների միջոցով, այլ ժողովրդական ալիքի, այսինքն՝ գործ ունենք ժողովրդի ուղիղ կամարտահայտության հետ, եւ չնայած շատերը սա համարում են օրինակարգության խնդիր, մյուս կողմից՝ Հայաստանում տեղի է ունեցել թերեւս եզակի երեւույթ, որը տեղավորվում է թե ՀՀ Սահմանադրության, թե մարդու իրավունքների միջազգային կոնվենցիաներով ձեւակերպված ժողովրդի իշխանության տրամաբանության մեջ:
«Հայկական մոդելը» դեռ իր ազդեցությունն ունենալու է նոր աշխարհակարգի կառուցման վրա, եւ համաշխարհային առաջնորդները չէին կարող չարձանագրել այս հանգամանքը: Իսկ մինչ այդ Հայաստանի նոր իշխանությունը խնդիր ունի ինստիտուցիոնալացնել նոր իրավիճակը Հայաստանում եւ այն դարձնել անշրջելի:
Այսպիսով, ավելորդ է նույնիսկ ասել, թե ինչ մեծ պատասխանատվություն ու առաքելություն է ստանձնում նոր իշխանությունը, միաժամանակ՝ ինչպիսի հնարավորություններ են բացվում Հայաստանի առաջ՝ թե ներքին, թե արտաքին խնդիրներում: Նախեւառաջ՝ Հայաստանի ժողովրդի իրավունքների հաստատման իմաստով:
http://www.lragir.am/index/arm/0/comments/view/176427
- Anasayfa
- »
- Ermenistan
- »
- ԱՄՆ-ն նման բան չէր արել. Նիկոլը ստացավ այն, ինչ մյուսները չստացան
ԱՄՆ-ն նման բան չէր արել. Նիկոլը ստացավ այն, ինչ մյուսները չստացան
553 0

Kafkassam Editör
Yeni bir dünyaya uyanmak, dünyayı yeniden okumak isteyenler için, söylenecek sözü olanlar için merkezi Ankara’da olan KAFKASSAM’ı kurduk. Erivan, Bakü, Tiflis, Tebriz, Grozni, Moskova, Mahaçkale, Nazrin, Nalçik, Saratov, Ufa ve Sochi’de ofislerimiz temsilcilerimiz var. Kafkassam genelde kafkasya çalışmak için kuruldu Kafkasya genelinde çalışır. Ermenice Rusça Gürcüce İngilizce dillerinde yayın yapan kafkassam genç akademisyen ve stratejistlerle çalışmaya özen gösterir. KAFKASSAM’ın internet sitesi 2 Ocak 2010’da yayına girdi. İnternet sitesinde Kafkasya’daki ülkeler ve Türkiye ile ilişkileri hakkında makaleler, ropörtajlar, analizler ve yorumlara yer verilmektedir.