Suriyanın şimalında əhalinin 60 faizi ərəb, cəmi 9 faizi kürd, qalanları isə müxtəlif etnik xalqların nümayəndələridir. Belə bir şəraitdə ABŞ-ın burada kürdlərə istinad edən bir dövlət yaratmaq planı mənasızdır. Çünki etnik üstünlük hansı xalqa məxsusdursa, onun da orada möhkəmlənmək imkanları genişdir. Ərdoğanın bununla bağlı gözəl bir planı var: Suriyadan qaçqın düşmüş əhalini Afrin və ətraf bölgələrdə yerləşdirmək və bununla da bölgənin etnik yapısını tamamlamaq. Qaçqınların geri qayıtması ədalətli olardı, çünki onlar Suriya vətəndaşlarıdır və öz ölkələrində yasaq hüquqları var. Bu, Avropanın da marağındadır çünki miqrant axınının qarşısı alınmış olur. Bununla da guya Ərdoğanın suriyalı qaçqınlara vətəndaşlıq verməklə onların səsini qazanmaq istəməsi barədə iddialar təkzib olunur. Bu da onu göstərir ki, Türkiyə prezidenti şəxsi hakimiyyətini yox, dövlətin maraqlarını üstün tutur. Afrində Türkiyənin qalibiyyəti isə Ortadoğuda 4 dövlətin iradəsini heçə sayaraq Kürdüstan yaratmaq istəyən ABŞ-ın planlarının üstündən xətt çəkə bilər. Çünki ABŞ-ın kürd dövlətini İraqda deyil, məhz Suriyadan başlamaq istədiyi məlumdur. Bərzani referendum keçirərkən ABŞ ona tələsməyin deməklə Suriyadan başlamaq planına işarə vururdu. Lakin Türkiyə ABŞ, İsrail və onların himayə etdiyi PYD/YPG/PKK/DAİŞ birliyini hərbi və diplomatik mustəvilərdə məğlub etməkdədir.
Nezaket Memmedova