Ermənistanın xarici işlər naziri Edvard Nalbəndyan Tehrana səfər çərçivəsində iki ölkə arasında viza rejiminin ləğvi barədə sənədə imza atacaq. Sənədə əsasən viza tələb edilmədən İran vətəndaşları Ermənistanda, Ermənistan vətəndaşları isə İranda 90 gün müddətinə qala biləcəklər. İranın regional və təhlükəsizlik siyasətini sərt tənqid etməmə baxmayaraq, fikrimcə biz bu məsələdə Ermənistanı qabaqlamalıydıq.

Yenə də gec deyil, Türkiyə və İran vətəndaşlarına qarşı tətbiq edilən viza ortadan qaldırılmalıdır. Və viza qərarının Türkiyə və İran vətəndaşları ilə bağlı eyni gündə verilməsi doğru olar. İranda yaşayan azərbaycanlıların Arazın bu tayındakı vətənlərinə rahat gəlmələrinə şərait yaratmalıyıq. Bu Azərbaycanın milli və təhlükəsizlik maraqlarına da uyğundur, üstəgəl bu turizmdən gəlirlərin artması deməkdir. Nəyi və niyə gözləyirik? İranda yaşayan azərbaycanlılar işğalçı Ermənistana vizasız getməlidirlər, yoxsa Azərbaycana? Elhan Şahinoğlu