KAFKASSAM – Kafkasya Stratejik Araştırmalar Merkezi

  1. Anasayfa
  2. »
  3. Ermenistan
  4. »
  5. Instigate-ը պատրաստ է անօդաչուներ արտադրել հայկական բանակի համար

Instigate-ը պատրաստ է անօդաչուներ արտադրել հայկական բանակի համար

Hasan Oktay Hasan Oktay - - 3 dk okuma süresi
460 0

Instigate-ը պատրաստ է անօդաչուներ արտադրել հայկական բանակի համար
vahanpogosyan
Ապրիլի 2-ից 8-ը ադրբեջանական բանակը Արցախի երկնքում կորցրել է 15 անօդաչու թռչող սարք (ԱԹՍ):
Դրանցից մի քանիսը հարվածային կամ ինքնաոչնչացող (կամիկաձե) ԱԹՍ-ներն էին, որոնք Ադրբեջանը գնել էր Իսրայելից:
Հասարակությունում եւ մամուլում ակտիվ է քննարկում է սկսվել այն մասին, որ հայկական կողմը եւս պետք է ունենա ժամանակակից ԱԹՍ եւ կարծիքներ են հնչում այն մասին, որ դրանք կարող են արտադրվել հենց Հայաստանում:
Հայկական Instigate Robotics ՏՏ ընկերությունը երկար տարիներ զբաղվում է անօդաչուների ծրագրային եւ տեխնիկական մասի մշակումներով: Ընկերության համահիմնադիր ու գլխավոր ինժեներ Վահագն Պողոսյանը Մեդիամաքսին պատմել է իրենց անօդաչուների ու բանակի հետ հնարավոր համագործակցության մասին:
«Անօդաչուները սովորաբար տանում են օգտակար բեռ, մեծ մասամբ` տեսախցիկ: Ռազմական ոլորտում անօդաչուներն օգտագործվում են հետախուզության եւ հրետանու կրակի կառավարման համար: Մեր ներկա մշակումները քաղաքացիական օգտագործման համար են, բայց անհրաժեշտ աշխատանք կատարելուց հետո կարող ենք նաեւ ռազմական մոդելներ արտադրել»,- Մեդիամաքսին ասել է Վահագն Պողոսյանը:
Նրա խոսքով` 2011-ից սկսած բազմիցս փորձել են համագործակցել պաշտպանության նախարարության հետ, հանդիպումներ ու քննարկումներ են կայացել Instigate-ի ներուժը Հայաստանի ռազմական համալիրի արդիականացմանն ուղղելու համար, սակայն գործնական քայլեր չեն հետեւել:
«Հիմա համագործակցում ենք Սինգապուրի հետ: Այդ երկրի սահմանապահ ծովային ոստիկանական զորքերի համար Instigate-ը մշակում է անօդաչու թռչող սարքի մի մոդել, որը 2017-ին, ամենայն հավանականությամբ, կիրառության մեջ կմտնի նավահանգիստները երկնքից տեսանկարահանելու համար», – պատմել է Վահագն Պողոսյանը:

«Մեր սարքերի առավելությունը ցամաքից էլեկտրականության սնուցումն է: Եթե էլեկտրական շարժիչներով սարքերը սահմանափակ թռիչքային ժամանակ ունեն, ապա մեր մշակումները կարող են օդում մնալ որքան հարկավոր է` անհրաժեշտ նկարահանումներ կատարելով», – հավելել է նա:
Վահագն Պողոսյանը Մեդիամաքսին ասել է, որ ՀՀ ՊՆ հետ պայմանավորվածություն ունենալու դեպքում կարող են ռազմական անօդաչու սարքերի ամենատարբեր մշակումներ կատարել նաեւ հայկական ԶՈՒ համար: Նա նկատել է, որ դրանց գինը, Հայաստանում արտադրելու դեպքում, զգալիորեն էժան կլինի միջազգային շուկայում առկա առաջարկներից:

Սուրեն Ստեփանյան
www.mediamax.am

İlgili Yazılar

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir