ABD’nin yeni Ankara Büyükelçisi David Satterfield kim?

İsrail’in eski bakanı İran ajanı suçuyla yakalandı

Çin’in Türkiye, ABD’nin Rusya sevdası

Քրիստինե Ասատրյան. «Հասկացել եմ, որ լեգիտիմ կառավարության մաս լինելը խնդիր չէ»

Հյուսիս-հարավի շինարարությունը դեռ վեց տարի էլ կընթանա

Ermenistan 7 Kasım 2017
169

Հյուսիս-հարավի շինարարությունը դեռ վեց տարի էլ կընթանա «Հյուսիս-հարավ մայրուղու կառուցման վերջնաժամկետը ե՞րբ է»,- այսօր, ԱԺ տնտեսական հարցերի հանձնաժողովի նիստում ՀՀ տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանից հետաքրքրվեց «Ելք» խմբակցության պատգամավոր Արամ Սարգսյանը: Պատգամավորը նաեւ նախարարին հորդորեց` Հյուսիս-հարավ մայրուղում կառուցված ու արդեն վերանորոգած ճանապարհների արգելափակոցները եվս վերանորոգվեն, այլապես դրանք կարող են վթարների պատճառ դառնալ: Նախարարն ասաց, որ մայրուղու Արարատ, Արտաշատի արգելափակոցները հանվել էին շինարարության ժամանակ, հիմա տեղադրվում են: «Շուտով կավարտվեն կամուրջների շինարարությունները: Դրանք դանդաղեցին, քանի որ նախագծման ժամանակ բացթողում է եղել. նախատեսված չի եղել կամուրջները ճանապարհին միացնելու ասֆալտապատման ծրագիրը»,-մանրամասնեց նախարարը`հավելելով, որ այսօր ակտիվ աշխատանք է տարվում մայրուղու Թալին-Գյումրի հատվածում: Այստեղ էլ աշխատանքները հարթ չեն անցել. «Մի քանի անգամ այս հատվածում արդեն քանդել ենք տվել հիմքը, բետոնային աշխատանքները: Իմ մոտեցումն այն է, որ չի կարելի անորակ ճանապարհ ունենալ, 4-5 տարի հետ կրկին անդրադառնալ դրան: Հյուսիս-հարավ ճանապարհի կառուցման պայմանագիրը երկարաձգվեց, որովհետեւ բոլոր պարտավորությունները չեն կատարվել, բայց հիմա անում ենք ամեն բան, որ տեղավորվենք նախածային ժամկետներում»: Շինարարության ավարտի վերջնաժամկետի մասով էլ նախարարն ասաց`հստակ չէ, մայրուղու հարավային հատվածում ներդրողների հետ դեռ քննարկումներ են տարվում, բյուջետային ֆինանսավորում էլ է հարկավոր: Իր խոսքով, մայրուղին վերջնականապես ավարտելու համար դեռ առնվազ 6 տարի է պետք:
Նելլի ԳՐԻԳՈՐՅԱՆ

Հյուսիս-հարավի շինարարությունը դեռ վեց տարի էլ կընթանա

Yorumlar